జీలకర్ర బంగాళాదుంపకూర ( జీరా ఆలు)
కావలిసిన పదార్థాలు
1. బంగాళాదుంపలు పావుకేజీ
2. ధనియాల పొడి అర స్పూన్
3. పసుపు కొద్దిగా
4. ఉప్పు రుచికి సరిపడా
5. ఆయిల్ 3 స్పూన్స్
6. జీలకర్ర 2 స్పూన్
7. కొత్తిమీర
8. కారం అర స్పూన్
9 పచ్చిమిర్చి 3
తయారీ విధానం
ముందుగా బంగాళాదుంపలను శుభ్రంగా కడిగి ,
పైన వున్న తొక్కను తీసి ,
మరల కడిగిసమానమైన ముక్కలుగా తరిగి
ఉడికించుకుని చల్లార్చుకోవాలి .
పచ్చిమిర్చిని చిన్న ముక్కలుగా తరుగుకోవాలి
స్టవ్ వెలిగించి బాణలి పెట్టి వేడెక్కాక ఆయిల్ వేసి ,
జీలకర్ర ను వేసి దోరగా వేపుకుని ,
పచ్చిమిర్చి ముక్కలను కూడా వేసి అవి కూడా వేగాక
ముందుగా ఉడికించి పెట్టుకున్న
బంగాళాదుంప ముక్కలను వేసి ,
దోరగా వేగేలా చూసుకుని
,కొద్దిగా పసుపును , సరిపడినంత ఉప్పును ,
ధనియాల పొడిని , కొద్దిగా కారమును వేసి బాగా కలిపి
కొద్దిసేపు వేగనిచ్చి స్టవ్ ఆఫ్ చేసుకుని పైన
కొత్తిమీర తో గార్నిష్ చేసుకుంటే
జీలకర్ర బంగాళాదుంప కూర ( జీరా ఆలు ) రెడీ.
Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi
