మినపప్పు పచ్చడి

మినపప్పు పచ్చడి
కావలిసిన పదార్థాలు
1. మినపప్పు 6 స్పూన్స్
2. ఆవాలు అరస్పూన్
3. జీలకర్ర అరస్పూన్
4. ఇంగువ కొద్దిగా
5. ఎండుమిరపకాయలు 6
6. బెల్లం కొద్దిగా
7. చింతపండు కొద్దిగా
8. పసుపు కొద్దిగా
9. ఉప్పు రుచికి సరిపడా
10. కరివేపాకు ఒక కప్పు
12. నూని 2 స్పూన్స్
13. మెంతులు అర స్పూన్
తయారీ విధానం
చింతపండును కొద్దిగా నీళ్ళుపోసి నాన బెట్టుకోవాలి
స్టవ్ వెలిగించి బాణలి పెట్టి వేడెక్కాక
ఆయిల్ వేసి పైన చెప్పిన మినపప్పు మరియు,
పోపు దినుసులను వేసి
అవి దోరగా వేగాక
కరివేపాకును కూడా వేసి , వేపుకుని బాగా చల్లార నివ్వాలి
చల్లారిన తరువాత ఉప్పును వేసి
మెత్తని పొడి లాగ గ్రైండ్ చేసుకుని
తరువాత పసుపు ,ఉప్పు , నానబెట్టిన  చింతపండు ,
బెల్లం లను వేసి కొద్దిగా నీళ్లు పోసుకుని
మెత్తని ముద్ద లాగ గ్రైండ్ చేసుకుంటే మినపప్పు పచ్చడి రెడీ
ఈ పచ్చడిని అన్నం లోకి ఇడ్లి  లోకి దోసెలలోను చాలా బాగుంటుంది.

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi

ఆంధ్ర మాత " గోంగూర పచ్చడి. "

ఆంధ్ర మాత " గోంగూర పచ్చడి. " 

అసలు  ....... గోంగూర పచ్చడి లేకుండా  పెళ్లి భోజనము ఏమిటండి అంటూ  " మాయాబజార్ "
లో అన్నా .... ఆంధ్ర మాత  అన్నా ... అతిశయోక్తి లేదు ... మన శాకాహారపు వంటలలో గోంగూర కి పెద్ద పీఠమే వేసారు.. అసలు ఆ రుచి అలాంటిది... అంతేకాదు అనేక  పోషకవిలువలు కూడా ఉన్నాయి.

కావలిసిన పదార్థాలు
1. గోంగూర 4 కట్టలు
2. ఎండు మిరపకాయలు పావుకేజీ
3. మినపప్పు 3 స్పూన్స్
4. ఆవాలు 2 స్పూన్స్
5.  మెంతులు 2 స్పూన్స్
6. ఇంగువ కొద్దిగా
7. వెల్లుల్లి రెబ్బలు 10
8. నువ్వులనూనె ఒక కప్పు
9. ఉప్పు రుచికి సరిపడా
10. పచ్చిమిరపకాయలు 6
తయారీ విధానం
ముందుగా గోంగూరకట్టలనుండి మంచి ఆకును కోసుకుని
శుభ్రం గా కడిగి ఒక కాటన్ బట్ట మీదఆర బెట్టుకోవాలి .
స్టవ్ వెలిగించి బాణలి పెట్టి వేడెక్కాక 2 స్పూన్స్ ఆయిల్ వేసుకుని
 ముందుగా ఒలిచి పెట్టుకున్న వెల్లుల్లి రెబ్బలను వేసి
దోరగా వేగనిచ్చి ఒక ప్లేట్ లోకి తీసుకోవాలి
అదే బాణలిలో  2 స్పూన్స్ ఆయిల్ వేసి పైన చెప్పిన
ఎండుమిరపకాయలు ,  మినపప్పు  , ఆవాలు,  మెంతులు , ఇంగువ
వేసి దోరగా వేగనివ్వాలివీటిని బాగా చల్లార నివ్వాలి
స్టవ్  మీద వేరే బాణలి పెట్టి 4 స్పూన్స్ ఆయిల్ వేసి
కడిగి ఆరబెట్టుకున్న గోంగూరను , పచ్చిమిరపకాయలు ,
కొద్దిగా పసుపు వేసి బాగా మగ్గనివ్వాలి ,
మధ్యమధ్యలో కలుపుతువుండాలి బాగా మగ్గిన తరువాత
స్టవ్ ఆఫ్ చేసుకుని చల్లారనివ్వాలి .
ముందుగా వేపుకుని చల్లార్చి పెట్టుకున్న పోపును ,
ఉప్పు వేసి మెత్తని పొడిలాగా గ్రైండ్ చేసుకుని
ఒక ప్లేట్ లోకితీసుకోవాలి
తరువాత గోంగూరని కూడా మెత్తగా గ్రైండ్ చేసుకోవాలి
ఒక బేసిన్ లోకి ఈ ముద్దను తీసుకుని
దీంట్లో ముందుగా తయారుచేసి పెట్టుకున్న కారంపొడి ,మరియు వెల్లుల్లి పాయలను
వేసి కారం ఉప్పుబాగా కలిసేలాపచ్చడి అంతా కలుపుకోవాలి
స్టవ్ వెలిగించి బాణలి పెట్టి నువ్వులనూనె వేసుకుని
కొద్దిగా ఇంగువ కూడా వేసి కొద్దిసేపు వేడెక్కాక
దీంట్లో తయారుచేసి పెట్టుకున్న పచ్చడిని వేసి
నూనె అంతా పచ్చడిలోకి ఇంకేలాగ బాగా కలిపి
స్టవ్ ఆఫ్ చేసుకుంటె
ఘుమఘుమలాడే గోంగూర పచ్చడి రెడీ
ఈపచ్చడి  ఒక 6 నెలలు పాటు నిల్వ ఉంటుంది
దీనిని వేడి అన్నం లో నెయ్యి  వేసుకుని సన్నగా తరిగిన ఉల్లి పాయ ముక్కలు వేసుకుని తింటే అదిరిపోతుంది
Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi

*శ్రీ శ్రీ అక్షర ఆయుధాలు*

                                           శ్రీ శ్రీ అక్షర ఆయుధాలు
మహాకవి శ్రీ శ్రీ  గారి గురించి  తెలియని వాళ్ళు ఉండరు . ఆయన రచనలు చదివి
స్ఫూర్తి పొందని వారు ఉండరు. ఆ మహా రచయిత కలము నుండి జాలువారిన
ఈ స్ఫూర్తిదాయక రచన .... మనలో ఉత్తేజాన్ని , ఉత్సాహాన్నీ నింపు తుంది .

*కుదిరితే పరిగెత్తు*.. ,
*లేకపోతే నడువు*...
*అదీ చేతకాకపోతే*...
*పాకుతూ పో*.... ,
*అంతేకానీ ఒకే చోట అలా కదలకుండా ఉండిపోకు*... 

*ఉద్యోగం రాలేదని*,
*వ్యాపారం దెబ్బతినిందని*,
*స్నేహితుడొకడు మోసం చేశాడని*,
*ప్రేమించినవాళ్ళు వదిలి వెళ్ళి పోయారని*...
*అలాగే ఉండిపోతే ఎలా*?

*దేహానికి తప్ప*,
*దాహానికి పనికిరాని ఆ సముద్రపు కెరటాలే ఎగిసి ఎగిసి పడుతుంటే*...  
*తలుచుకుంటే*...
*నీ తలరాత ఇంతే అన్నవాళ్ళు కూడా*...
*నీ ముందు తలదించుకునేలా చేయగల సత్తా నీది*,
*అలాంటిది ఇప్పుడొచ్చిన ఆ కాస్త కష్టానికే తలొంచేస్తే ఎలా*?

*సృష్టిలో చలనం ఉన్నది ఏదీ ఆగిపోకూడదు*...,
*పారే నది*..,
*వీచే గాలి*...,
*ఊగే చెట్టు*...,
*ఉదయించే సూర్యుడు*....
*అనుకున్నది సాధించాలని నీలో కసికసిగా ప్రవహిస్తుందే ఆ నెత్తురుతో సహా*....,,
*ఏదీ ఏది ఆగిపోడానికి వీల్లేదు*..

*లే*...
*బయలుదేరు*...
*నిన్ను కదలనివ్వకుండా చేసిన ఆ మానసిక భాదల సంకెళ్ళను తెంచేసుకో*... ,
*పడ్డ చోటు నుండే పరుగు మొదలుపెట్టు*... 

*నువ్వు పడుకునే పరుపు*...
*నిన్ను చీదరించుకోకముందే బద్దకాన్ని వదిలేయ్*... , 

*నీ అద్దం*....
*నిన్ను ప్రశ్నించకముందే సమాదానం వెతుక్కో*... , 

*నీ నీడ నిన్ను వదిలేయకముందే వెలుగులోకి వచ్చేయ్*..

*మళ్ళీ చెప్తున్నా*.....!
*కన్నీళ్ళు కారిస్తే కాదు*....
*చెమట చుక్కని చిందిస్తేనే చరిత్రను రాయగలవని తెలుసుకో* ..!

*చదివితే ఇవి పదాలు మాత్రమే*,
*ఆచరిస్తే*...
*అస్త్రాలు*.

నూపొడి

" నూపొడి "

నువ్వులపప్పు శరీరానికి అవసరమైన, ఆరోగ్యాన్ని పెంపొంచే అన్ని రకాల పోషకాలను కలిగి ఉంటాయి .

 మినరల్స్,
 కాల్షియం,

 జింక్,
ఐరన్,
థయామిన్ ,
విటమిన్ 'E ' లను కలిగి ఉంటాయి,

అంతేకాకుండా ఆరోగ్యానికి మంచిని కలిగించే చాలా రకాల మూలాకాలు వీటిలో ఉంటాయి.

1) నువ్వులు లేదా నువ్వుల నూనె వాడడం వల్ల శరీరంలో చెడ్డ కొలెస్ట్రాల్ తగ్గుతుంది. 

     బరువు అదుపులో  ఉంటుంది.
2) మధుమేహం అదుపులో ఉంటుంది. గుండె జబ్బులు రావు.
3) కీళ్ళనొప్పులు , మోకాళ్ళ నొప్పులు ఉన్నవారికి మంచి ప్రయోజనకారి.
4) చర్మం నిత్య యవ్వనంగా ఉంటుంది.
5) బలమైన , ధృడమైన కండర పుష్టి లభిస్తుంది.
6) ఎదిగే పిల్లలకు నువ్వులు , బెల్లంతో చేసిన లడ్డు పెడితే పుష్టికరంగా పెరుగుతారు.

కావలిసిన పదార్థాలు
1. నూపప్పు పావుకేజీ
2. ఎండుమిరపకాయలు 6
3. ఉప్పు రుచికి సరిపడా

తయారీ విధానం
ముందుగా నూపప్పును  జల్లించు కోవాలి
స్టవ్ వెలిగించి బాణలి పెట్టి వేడెక్కాక
నూపప్పు ఎండుమిరపకాయలు వేసి దోరగా వేపుకోవాలి .
వేగిన నూపప్పు బాగా చల్లారిన తరువాత
నూపప్పు ,ఎండుమిరపకాయలు వేసి మెత్తని పొడి లాగ
 గ్రైండ్ చేసుకుని ఒక ప్లేటులోకి తీసుకుని
సరిపడా ఉప్పు వేసి బాగా కలిపితే
ఘుమ ఘుమ లాడే  " నూపొడి '" రెడీ
(గర్భిణీలు  నూపప్పుకు సంభందిచినవి తినకూడదని  పెద్దలు అంటారు )
Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi

కంది పప్పు పచ్చడి

కంది పప్పు పచ్చడి

కావలిసిన పదార్థాలు
1. కందిపప్పు ఒక గ్లాసు
2. ఎండుమిరపకాయలు 5
3. జీలకర్ర అర స్పూన్
4. ఇంగువ కొద్దిగా
5. ఆయిల్ 1 స్పూన్

 పోపు దినుసులు
మినపప్పు అర స్పూన్ , జీలకర్ర అర స్పూన్ ,
ఆవాలు అర స్పూన్,  కరివేపాకు , నీళ్లు అర గ్లాసు ,
ఉప్పు రుచికి సరిపడా
తయారీ విధానం 

ముందుగా కందిపప్పును ,ఎండుమిరపకాయలు ,
జీలకర్రలను దోరగా వేపుకుని ,చల్లార్చుకోవాలి
చల్లారిన వీటిని ఉప్పు వేసి మెత్తగా పొడి లా గ్రైండ్ చేసుకుని
 తరువాత నీళ్లు  పోసుకుంటూ మెత్తగా రుబ్బుకోవాలి
ఈ పచ్చడిని ఒక బౌల్ లోకి తీసుకోవాలి
స్టవ్ వెలిగించి బాణలి పెట్టి వేడెక్కాక
ఆయిల్ వేసి పైన చెప్పిన పోపు దినుసులను,
 కరివేపాకును వేసి దోరగా  వేపుకుని
ఈ పచ్చడి మీద వేసుకుంటె
ఘుమ ఘుమ లాడే కందిపప్పు పచ్చడి రెడీ 

వేడి అన్నం లో నెయ్యి వేసుకుని తింటే మధురం గా ఉంటుంది 

ఈ పచ్చడి ఒక వారం రోజుల పాటు నిలువ ఉంటుంది.

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi

ఇడ్లీ కారప్పొడి

                                                                    ఇడ్లీ కారప్పొడి

కావలిసిన పదార్థాలు

1.సెనగ పప్పు 5 స్పూన్స్
2. మినపప్పు 5 స్పూన్స్
3. చింతపండు నిమ్మకాయ అంత
4. ఆవాలు 2 స్పూన్స్
5. జీలకర్ర 2 స్పూన్స్
6.  ధనియాలు 2 స్పూన్స్
7. ఎండుమిరపకాయలు 8
8. వెల్లుల్లిరెబ్బలు 5
9. ఆయిల్ 2 స్పూన్స్
10. ఇంగువ కొద్దిగా
11. ఉప్పు రుచికి సరిపడా

తయారీ విధానం
చింతపండులో ఈనెలు  ,గింజలు తీసి వెయ్యాలి .
స్టవ్ వెలిగించి బాణలి పెట్టి వేడెక్కాక,

పైన చెప్పిన సెనగపప్పు, మినపప్పు ,ఆవాలు ,
జీలకర్ర ,ధనియాలు ,ఎండుమిరపకాయలు ,
వెల్లుల్లి రెబ్బలు , ఇంగువ వేసి దోరగా వేపుకోవాలి .
వీటిని బాగా చల్లారిన తరువాత
చింత పండు ఉప్పు వేసి ,
మెత్తగా పొడి లాగ గ్రైండ్ చేసుకోవాలి.
అంతె ఇడ్లీ కారపు పొడి రెడీ అవుతుంది .

ఈ పొడి 2 నెలల పాటు నిలువ ఉంటుంది
ఈ పొడిని అన్నం లోకి ఇడ్లీ  దోసెలా లోకి చాలా బాగుంటుంది.

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi

బంగాళాదుంప ,ఉల్లిపాయ ముద్ద వేపుడు

                                              బంగాళాదుంప  ,ఉల్లిపాయ   ముద్ద వేపుడు

కావలిసిన పదార్థాలు

1. బంగాళాదుంపలు  పావుకేజీ
2. ఉల్లిపాయలు 4
3. ఉప్పు రుచికి సరిపడా
4. కారము రుచికి సరిపడా
5. ఆయిల్ 6 స్పూన్స్

తయారీ విధానం

ముందుగా బంగాళాదుంప ,
ఉల్లిపాయలను శుభ్రంగా కడుగుకోవాలి
బంగాళాదుంపలను పైన వున్నా తొక్క తీసి మరల కడిగి
చిన్న ముక్కలుగా తరుగుకోవాలి
ఉల్లిపాయలను కూడా చిన్న ముక్కలుగా తరుగుకోవాలి
స్టవ్ వెలిగించి బాణలి పెట్టి వేడెక్కాక
ఆయిల్ వేసి తరిగిపెట్టుకున్న బంగాళాదుంప
ఉల్లిపాయలను వేసి బాగా కలిపి
మూత పెట్టి మగ్గనివ్వాలి
మధ్య మధ్య లో అట్లకాడతో కలుపుతూ
ఉండాలి . కొద్దిసేపు మగ్గిన తరువాత
ఉప్పు వేసి బాగా కలిపి మగ్గనివ్వాలి
కూర అంతా బాగా మగ్గిన తరువాత
( కరివేపాకు , పోపు కూడా వేసుకోవచ్చు )
 ఒక స్పూన్ ఆయిల్ వేసి బాగా కలిపి ,  కారము వేసి
స్టవ్ ఆఫ్ చేసుకుంటె
బంగాళాదుంప ఉల్లి పాయ ముద్ద వేపుడు రెడీ.

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi

కందిపొడి

                                                                     కందిపొడి

కావలిసిన పదార్థాలు

1. కందిపప్పు ఒక గ్లాసు
2. పెసరపప్పు అర గ్లాసు
3.సెనగపప్పు అర గ్లాసు
4. బియ్యం 3 స్పూన్స్
5. జీలకర్ర 1 స్పూన్
6. ఉప్పు రుచికి సరిపడా
7. కారం రుచికి సరిపడా

తయారీ విధానం

ముందుగా కందిపప్పు , పెసరపప్పు , సెనగ పప్పులను,
 ఏ పప్పు కి ఆ పప్పు విడివిడిగా దోరగా వేపుకోవాలి .
జీలకర్ర బియ్యములను కూడా దోరగా వేపుకోవాలి .
ఈ పప్పులను ,బియ్యం, జీలకర్రలను , కలిపి
చల్లారాక మెత్తగా గ్రైండ్ చేసుకోవాలి .
ఈ పొడిలో ఉప్పూకారం సరిపడినంత వేసి
అంతా కలిసేలా కలుపుకోవాలి 

ఈపొడి 6 నెలల పాటు నిలువ ఉంటుంది

Subha's Kitchen

పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/

పొట్టు వడియాలు

                                                              పొట్టు వడియాలు

సాధారణముగా మనము ఇడ్లీలు వేసుకునేటప్పుడు
పప్పు తీసుకుని , పొట్టు పారేస్తుంటాము.
కానీ పొట్టు కూడా వడియాలు పెట్టుకోవచ్చు .
రుచి , పోషకవిలువలు ఉండే ఈ వడియాలు పెట్టి చూడండి.

కావలిసిన పదార్థాలు

1. మినప పొట్టు 3 కప్పులు
2. రుబ్బుకున్న మినప పిండి ఒక కప్పు
3. ఉప్పు రుచికి సరిపడా
4. కారం 2 స్పూన్స్
4. లేకపోతె పచ్చిమిర్చి 5

తయారీ విధానం

నల్ల మినపప్పు ను ఇడ్లి కి నాన బెట్టుకున్నప్పుడు
పైన వున్నపొట్టు తో ఈ వడియాలు పెట్టుకుంటారు .
పప్పు పైన వున్నపొట్టును తీసి శుభ్రం గా కడిగి
ఉప్పు కారము లేకపోతే పచ్చిమిర్చిలను వేసి
 మెత్తగా గ్రైండ్ చేసుకుని
ఇడ్లి కని రుబ్బుకున్న పిండి ని కలిపి చిన్నచిన్న వడియాలుగా
ఒక ప్లాస్టిక్ పేపర్ మీద పెట్టిఎండ బెట్టు కోవాలి
ఈ వడియాలు పప్పుపులుసులోను
సాంబారు లోను నంచుకు తింటే చాలా బాగుంటుంది
ఇవి గుమ్మడి వడియాల మాదిరి గా నే నిల్వ ఉంటాయి

Subha's kitchen

పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/

పప్పు మామిడికాయ లేక మామిడి కాయ పులుసు

                                         పప్పు మామిడికాయ  లేక మామిడి కాయ పులుసు


కావలిసిన పదార్థాలు

1. మామిడికాయలు పుల్లటివి 2
2. పచ్చిమిర్చి 3
3. కరివేపాకు
4. కంది పప్పు ఒక కప్పు
5. వెల్లుల్లి రెబ్బలు 6
6. నీళ్లు 2 గ్లాసులు
7. పసుపు
8. ఉప్పు రుచికి సరిపడా

పోపు దినుసులు
ఆవాలు అర స్పూన్ , మెంతులు అర స్పూన్ , జీలకర్ర అర స్పూన్ ,
ఇంగువ కొద్దిగా , ఎండుమిరపకాయలు 3 , ఆయిల్ 2 స్పూన్స్

తయారీ విధానం
ముందుగా కందిపప్పును శుభ్రం గా కడిగి కుక్కరులో పెట్టి
మెత్తగా ఉడికించుకోవాలి మామిడికాయలు శుభ్రం గా కడిగి
పైన వున్న తొక్క తీసి ముక్కలు గా తరుగుకోవాలి
టెంక ఇష్ట పడే వాళ్ళు టెంకను కూడా వేసుకోవచ్చు
పచ్చి మిర్చిని చీలికలుగా తరుగుకోవాలి
 ఒక గిన్నెలోకి మామిడికాయ ముక్కలు , పచ్చి మిర్చి చీలికలు ,
పసుపు ఉప్పు ఒక గ్లాసు నీళ్లు పోసుకుని
ఆనప కాయ ముక్కల మాదిరిగా మెత్తగా ఉడికించుకోవాలి
ముక్కలు ఉడికిన తరువాత
ముందుగా ఉడికించి పెట్టుకున్న కందిపప్పు ను
గరిట తో బాగా మెత్తగా చేసి
ముక్కల మిశ్రమంలో కలిపి ఒక గ్లాసు నీళ్లు పోసి
ఉడికించుకోవాలి
స్టవ్ పైన బాణలి పెట్టి వేడెక్కాక పైన చెప్పిన పోపు దినుసులను
కరివేపాకు వెల్లుల్లి రెబ్బలువేసి దోరగా వేపుకుని
ఈ పులుసులో వేసుకోవాలి పోపు వేసాక
కొద్దిసేపు ఉడకనిచ్చి స్టవ్ ఆఫ్ చేసుకుంటె
ఘుమ ఘుమ లాడే మామిడికాయ పులుసు రెడీ.

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi

అటుకుల ఉప్మా

కావలిసిన పదార్థాలు
1. అటుకులు పావుకేజీ
2. పచ్చిమిర్చి 3
3. అల్లం చిన్న ముక్క
4. టొమాటోలు 2
5. ఉల్లిపాయలు 2
6. కరివేపాకు
7.  కొత్తిమీర
8. కేరట్ 1
9. జీడిపప్పు

పోపుదినుసులు
పల్లీలు 2 స్పూన్స్ , సెనగపప్పు 1 స్పూన్ ,
మినపప్పు 1 స్పూన్ , ఆవాలు అర స్పూన్ ,
జీలకర్ర అర స్పూన్  , ఎండుమిరపకాయలు ,
ఆయిల్ 4 స్పూన్స్ , పసుపు , ఉప్పు రుచికి సరిపడా

తయారీ విధానం
ముందుగా పచ్చిమిర్చిని చీలికలుగా ను ,
అల్లము ఉల్లిపాయలను టొమాటోలను సన్నని ముక్కలుగాను
తరుగుకోవాలి .కొత్తిమీరను , కేరట్ లను సన్నగా తురుముకోవాలి .
స్టవ్ వెలిగించి బాణలి పెట్టి వేడెక్కాక
ఆయిల్ వేసి పల్లీలను వేసి అవి దోరగా వేగాక,
జీడిపప్పు కూడా వేసి , వేగాక ,
 పైన చెప్పిన పోపుదినుసులను వేసి దోరగా వేగాక
కరివేపాకు , కేరట్ తురుము , ఉల్లిపాయముక్కలు ,
పచ్చిమిర్చి చీలికలు , అల్లం టొమాటోముక్కలను వేసి
అవి దోరగా వేగాక
అటుకులను ఒక బౌల్ లోకి తీసుకుని బాగా కడిగి
బాణలి లో వున్నపోపు వేసి
పసుపు ఉప్పు వేసి అంతా బాగా కలిసేలా కలిపి
కొద్దిగా నీళ్లు చల్లి  మూత పెట్టి మగ్గనివ్వాలి
మధ్య మధ్యలో కలుపుతూ ఉండాలి
అటుకుల మిశ్రమం అంతా బాగా మగ్గిన తరువాత
కొత్తిమీర చల్లి స్టవ్ ఆఫ్ చేసుకుంటె
వేడి వేడి అటుకులఉప్మా రెడీ 

ఈ ఉప్మా ను కొత్తిమీర చట్నీ తో  తింటే
చాలా రుచిగా ఉంటుంది

Subha's Kitchen

వేడి వేడి గారెలు

   
                                                         వేడి వేడి గారెలు


వింటే భారతము వినాలి తింటే గారెలు తినాలి అన్నారు మన పెద్దలు.
మన వంటకాలలో గారెలకు ఉన్న ప్రాశస్త్యము అలాంటిది. వేడి వేడి గారెలు ను
కొబ్బరి పచ్చడి తోనూ లేక అల్లం పచ్చడితో  తింటే చాలా రుచిగా ఉంటాయి.


కావలిసిన పదార్థాలు
1. మినపప్పు పావుకేజీ
2. ఉప్పురుచికి సరిపడా
3. పచ్చిమిర్చి 4
4. అల్లం చిన్నముక్క
5. బియ్యం 3 స్పూన్స్
6. కొత్తిమీర
7. ఆయిల్ అర లీటరు

తయారీ విధానం
మినపప్పును బియ్యాన్ని కలిపి ముందురోజు రాత్రి నీళ్లలో నానబెట్టుకోవాలి .
పప్పు ఎంత బాగా నానితే గారెలు అంత  మెత్తగా వస్తాయి
ముందురోజు రాత్రి నానబెట్టుకున్న పప్పును , బియ్యాన్ని
శుభ్రంగా కడిగి ఉప్పు వేసి ,గట్టిగా రుబ్బుకోవాలి.
అల్లం,  పచ్చిమిర్చి ,  ,
మెత్తగా గ్రైండ్ చేసుకుని , గారెలు పిండిలో కలుపుకోవాలి
స్టవ్ వెలిగించి బాణలి పెట్టి వేడెక్కాక
ముందుగా రుబ్బి పెట్టుకున్న మినపపిండిని తీసుకుని
ప్లాస్టిక్ కాగితం మీద కానీ , అరిటాకుమీద కానీ
గారెలు లాగ తట్టుకుని , ఆయిల్ లో వేసి వేపుకోవాలి
దోరగా వేగిన తరువాత టిష్యూ పేపర్ మీద వేస్తే ఆయిల్ ని పేపర్ పీల్చుకుంటుంది.
కొత్తిమీర తో గార్నిష్ చేసుకోవాలి.

వేడి వేడి గారెలు  రెడీ .

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi

పెరుగు ఆవడలు

                                                          పెరుగు ఆవడలు


కావలిసిన పదార్థాలు

1. మినపప్పు పావుకేజీ
2. ఉప్పు
3. పసుపు
4. పచ్చిమిర్చి 4
5. అల్లం చిన్నముక్క
6. కరివేపాకు
7. కొత్తిమీర
8. కేరట్ 1
9. పెరుగు కమ్మటిది అరలీటరు
10. ఆయిల్ అర లీటరు

పోపు దినుసులు

మినపప్పు 1 స్పూన్ , సెనగపప్పు 1 స్పూన్,
 ఆవాలు అరస్పూన్ , జీలకర్ర అర స్పూన్
ఎండుమిరపకాయలు 3 , పల్లీలు 2 స్పూన్స్

తయారీ విధానం

మినపప్పును ముందురోజు రాత్రి నీళ్లలో నానబెట్టుకోవాలి .
పప్పు ఎంత నానితే ఆవడలు అంత  మెత్తగా వస్తాయి
ముందురోజు రాత్రి నానబెట్టుకున్న పప్పు ను
శుభ్రంగా కడిగి ఉప్పు వేసి ,గారెలపిండి మాదిరి గా గట్టిగా రుబ్బుకోవాలి
అల్లం సన్నగాను  , పచ్చిమిర్చి ని చీలికలుగా ను ,
కొత్తిమీరను సన్నగాను , కేరట్టును తురుముకోవాలి
ఒక గిన్నెలోకి పెరుగును తీసుకుని అందు లో
పసుపు , ఉప్పు , పైనచెప్పుకున్న పోపు దినుసులను ,
అల్లం , పచ్చిమిర్చి , కరివేపాకులను దోరగా వేపుకుని
పెరుగులో వేసి బాగా కలుపుకోవాలి
స్టవ్ వెలిగించి బాణలి పెట్టి వేడెక్కాక
ముందుగా రుబ్బి పెట్టుకున్న మినపపిండిని తీసుకుని
ప్లాస్టిక్ కాగితం మీద కానీ , అరిటాకుమీద కానీ
గారెలు లాగ తట్టుకుని , ఆయిల్ లో వేసి వేపుకోవాలి
ఒక బౌల్ లో నీళ్లు పోసుకుని వేగిన గారెలు
ఈ నీళ్లలో వేసి  2 నిమిషాలు ఉంచిన తరువాత
పోపు పెట్టుకున్న  పెరుగులో వేసి
పైన కొత్తిమీర ,
కేరట్ తురుముతో గార్నిష్ చేసుకుంటె
ఘుమఘుమ లాడే  పెరుగు ఆవడలు రెడీ

వీటిపైనా కారబూంది చల్లుకుని తింటే మహత్తరంగా ఉంటాయి

Subha's Kitchen 

వెలక్కాయ పచ్చడి

                                                               వెలక్కాయ పచ్చడి

వినాయక చవితి వచ్చిందంటే ముందుగా గుర్తుకు వచ్చేది పాలవెల్లి . దానికి అన్ని రకాల పళ్ళు , పొత్తులు కాయల తో  అలంక రిస్తారు.  అందులో మనకు కనిపించేది వెలగకాయ. చాలామంది ఈ వెలగ కాయ తో పచ్చడి చేసుకుంటారు. కొంచెం కారముగా, వగరుగా , భలేగా ఉంటుంది ప్రయత్నించి చూడండి ఒకసారి.
పెరుగు వేసుకుని పెరుగుపచ్చడి లాగా , బెల్లము  తురుము తో తీయగా కూడా చేసుకుంటూ ఉంటారు.

కావలిసిన పదార్థాలు

1. వెలక్కాయలు 2
2. పచ్చి మిర్చి 6
3. పసుపు
4. ఉప్పు రుచికి సరిపడా
5. బెల్లం  చిన్న కప్పు
6. కొత్తిమీర

పోపు దినుసులు

మినపప్పు 1 స్పూన్ , ఆవాలు అర స్పూన్ ,
మెంతులు అర స్పూన్ , ఇంగువ కొద్దిగా ,
ఎండుమిరపకాయలు 6 ,ఆయిల్ 2 స్పూన్స్

తయారీ విధానం

ముందుగా స్టవ్ వెలిగించి బాణలి పెట్టివేడెక్కాక
ఆయిల్ వేసి పైన చెప్పిన పోపు దినుసులను వేసి దోరగా వేపుకోవాలి .
ఇవి చల్లారాక మెత్తని పొడి లాగ గ్రైండ్ చేసుకోవాలి
 వెలక్కాయలను బద్దలు కొట్టి పైన ఉన్న పెంకులను తీసివేసి
లోపలవున్న గుజ్జును సన్నగా తరుగుకోవాలి
ఇప్పుడు సన్నగా తరిగిపెట్టుకున్న వెలగగుజ్జు ,పసుపు ,ఉప్పు ,
కొత్తిమీర పచ్చిమిర్చిముందుగా తయారుచేసిపెట్టుకున్న కారం పొడిని
వేసి మెత్తగా గ్రైండ్ చేసుకోవాలి .
వెలక్కాయ కారం పచ్చడి రెడీ

తీపి ఇష్ట పడేవారు ఈ ముద్దలో బెల్లం తురుము కలిపి
గ్రైండ్ చేసుకుంటే వెలక్కాయ బెల్లము పచ్చడి రెడీ 

ఈ పచ్చడి వేడి అన్నం లో నెయ్యి వేసుకుతింటే  చాలా బాగుంటుంది 

ఈ పచ్చడి ఒక వారం రోజులపాటు నిల్వఉంటుంది

Subha's Kitchen 

కాప్సికం బంగాళాదుంప కూర

                                                     కాప్సికం బంగాళాదుంప కూర

కావలిసిన పదార్థాలు

1. కాప్సికం 3
2. బంగాళాదుంపలు పావుకేజీ
3. అల్లం చిన్న ముక్క
4. పచ్చిమిర్చి 4
5. కరివేపాకు
6. కొత్తిమీర

పోపు దినుసులు

సెనగపప్పు 1 స్పూన్ , మినపప్పు 1 స్పూన్ ,
ఆవాలు అర స్పూన్ ,జీలకర్ర అర స్పూన్ ,
ఎండుమిరపకాయలు 2  ,పసుపు కొద్దిగా ,
ఉప్పు రుచికి సరిపడా ,ఆయిల్ 5 స్పూన్స్

తయారీ విధానం

ముందుగా బంగాళదుంపలను శుభ్రంగా కడుగుకొని
తొక్క  తీసి కొంచెం పెద్ద  ముక్కలుగా తరుగుకుని
కుక్కరులో పెట్టి ఉడికించుకుని చల్లారబెట్టుకోవాలి.
 క్యాప్సికమును పైన ఉన్నతొడిమ తీసి
8ముక్కలుగా తరుగుకోవాలి
అల్లం ,పచ్చిమిర్చి ,కొత్తిమీరలను ,
కలిపి మెత్తగా ముద్దలా చేసుకోవాలి .
స్టవ్ వెలిగించి బాణలి పెట్టి వేడెక్కాక ఆయిల్ వేసి
పైన చెప్పిన పోపు దినుసులను వేసి
అవి దోరగా వేగాక కొద్దిగా పసుపు ,
అల్లం పచ్చిమిర్చిముద్ద
కరివేపాకు
లను వేసి పచ్చి పోయేంతవరకు వేగనిచ్చి
తరిగి పెట్టుకున్న కాప్సికం ముక్కలను వేసి
 కొద్దిగా ఆయిల్ వేసి కొంచెం సేపు మగ్గనిచ్చి
ముందుగా ఉడికించి చల్లారబెట్టుకున్న బంగాళాదుంప ముక్కలను వేసి
బాగా కలిపి కొద్ది సేపు మగ్గనిచ్చి
సరిపడా ఉప్పు వేసి కూర అంతా కలిసేలా బాగా కలిపి
కొత్తిమీర చల్లి స్టవ్ ఆఫ్ చేసుకుంటె
ఘుమఘుమ లాడే కాప్సికం బంగాళాదుంప కూర రెడీ అవుతుంది
ఈ కూరను అన్నం లోకి చపాతీలోకి జీరారైస్ లోకి బాగుంటుంది

Subha's Kitchen 

వంకాయ కొత్తిమీర కారం కూర కూర

                                                     వంకాయ కొత్తిమీర కారం కూర కూర

కావలిసిన పదార్థాలు

1. వంకాయలు  చిన్నవి పావుకేజీ
2.  కొత్తిమీర ఒక కట్ట
3. పచ్చిమిర్చి 8
4. పసుపు
5. ఉప్పు రుచికి సరిపడ
6. ఆయిల్ 8 స్పూన్స్

తయారీ విధానం
ముందుగా వంకాయలను, కొత్తిమీర ,
పచ్చిమిర్చిలను శుభ్రంగా కడుగుకోవాలి
 కొత్తిమీర, పచ్చిమిర్చి ,పసుపు, ఉప్పు ,
వేసి మెత్తని ముద్దలాగా గ్రైండ్ చేసుకోవాలి
వంకాయలను గుత్తులు గా తరుగుకోవాలి .
స్టవ్ వెలిగించి బాణలి పెట్టి వేడెక్కాక
4 స్పూన్స్ ఆయిల్ వేసి
వంకాయగుత్తులను వేసి
కాసేపు మగ్గనిచ్చి
ముందుగా గ్రైండ్ చేసి పెట్టుకున్న
 కొత్తిమీర ,పచ్చిమిర్చి ,మిశ్రమాన్ని వేసి
 కూర అంతా బాగా కలిసేలాకలిపి
3 స్పూన్స్ ఆయిల్ వేసి
మూత పెట్టి మూత పైన కొద్దిగా నీళ్లు పోసి ఉడకనివ్వాలి
మధ్య మధ్యలో కలూపుతూ ఉండాలి
కూర అంతా దగ్గర పడి
ఆయిల్ కూరపైకి తేలిన తరువాత
స్టవ్ ఆఫ్ చేసుకుని
కూరను ఒక బౌల్ లోకి తీసుకుంటె
ఘుమఘుమ లాడే
గుత్తివంకాయ కొత్తిమీర కారం కూర రెడీ
ఈ కూర వేడి వేడి అన్నం లో నెయ్యి వేసుకుని తింటే  చాలా రుచిగా ఉంటుంది

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi

పిండి పులిహోర

                                                           పిండి పులిహోర

కావలిసిన పదార్థాలు

1. బియ్యపు నూక  4 గ్లాసులు
2. చింతపండు చిన్న వుండ
3. పచ్చిమిర్చి 4
4. అల్లం చిన్నముక్క
5. కరివేపాకు
6. కొత్తిమీర
7. పసుపు
8. ఉప్పు రుచికి సరిపడా

పోపు దినుసులు
పల్లీలు 3 స్పూన్స్ , సెనగపప్పు 2 స్పూన్స్,
 మినపప్పు 2 స్పూన్స్ ,ఆవాలు 1 స్పూన్స్ ,
ఇంగువ కొద్దిగా ,జీలకర్ర 1 స్పూన్ ,
ఎండుమిరపకాయలు 3 ,6 స్పూన్స్ ఆయిల్

తయారీ విధానం
ముందుగా స్టవ్ వెలిగించి ఇత్తడి గిన్నె పెట్టి
8 గ్లాసులు నీళ్లు పోసి , ఆయిల్ , పసుపు , వేసి
నీళ్లను బాగా మరగనిచ్చి
దీనిలో నూక వేసి బాగా కలిపి ఉడకనివ్వాలి .
మధ్యమధ్యలో అట్లకాడతో కలుపుతూ ఉండాలి
ఈ పిండి ఉడికేక ఒక బేసిన్ లోకి తీసుకుని
చల్లారనివ్వాలి .
స్టవ్ పైన బానలిపెట్టి వేడెక్కాక, ఆయిల్ వేసి
పైన చెప్పిన పోపు దినుసులను వేసి
అవి దోరగా వేగాక
తరిగి పెట్టుకున్న పచ్చిమిర్చి చీలికలు ,అల్లము ముక్కలు ,
కరివేపాకులను వేసి దోరగా వేపుకోవాలి
చింత పండును తుక్కులూ లేకుండా గుజ్జును తీసి ఉడికించుకోవాలి
ఈ పోపు మిశ్రమాన్ని ,చింతపండు గుజ్జును ,పసుపు
ఉప్పును ,ముందుగా ఉడికించి పెట్టుకున్న పిండి పైన వేసి
బాగా కలుపుకుని
కొత్తిమీర తో గార్నిష్ చేసుకుంటె
ఘుమ ఘుమ లాడే పిండి పులిహోర రెడీ.

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi

పండుమిరప కాయ పచ్చడి

                                               పండుమిరప కాయ పచ్చడి

కావలిసిన పదార్థాలు

1. పండు మిరప కాయలు  దేశవాళీవి పావుకేజీ
2. చింతపండు 50  గ్రాములు
3. పసుపు
4. ఉప్పు రుచికి సరిపడా
5. మెంతులు  3 స్పూన్స్
6.  ఆవాలు 3 స్పూన్స్
7. ఇంగువ కొద్దిగా
8.  నువ్వులనూనె ఒక కప్పు
తయారీ విధానం
ముందుగా పండు మిరప కాయలను
శుభ్రంగా కడిగి ఆరబెట్టుకోవాలి .
మెంతులను ,ఆవాలను ,కలిపి దోరగా వేపుకుని ,
చల్లారాక మెత్తని పొడి లాగ గ్రైండ్ చేసుకోవాలి .
చింతపండును కొద్దిగా నీళ్లు పోసి నానబెట్టుకోవాలి.
 స్టవ్ వెలిగించి బాణలి పెట్టి వేడెక్కాక ,
ఆయిల్ వేసుకుని ఆరబెట్టుకున్న
పండు మిరప కాయలను వేసి దోరగా వేపుకోవాలి.
 చింతపండును తుక్కులూ లేకుండా బాగా పిసికి ,
ఈగుజ్జును ఉడికించుకోవాలి ,
వేపుకుని చల్లార్చుకున్న పండుమిరపకాయలను ,
పసుపు ,ఉప్పు ,ఉడికించి పెట్టుకున్న చింతపండు గుజ్జును  ,
వేసి మెత్తగా గ్రైండ్ చేసుకోవాలి.
స్టవ్ వెలిగించి బాణలి పెట్టి నువ్వుల నూనె ను పోసి .
వేడెక్కాక మిరపకాయ ముద్ద, మెంతి , ఆవపొడి, మిశ్రమం ,
ఇంగువ వేసి బాగా కలిపి
 నూనె అంతా పచ్చడిలో కలిసేలా బాగా కలిపి
స్టవ్ ఆఫ్ చేసుకుంటే ,
ఘుమఘుమ లాడే
పండు మిరప కాయ పచ్చడి రెడీ
ఈ పచ్చడి  3 నెలలు నిల్వ ఉంటుంది
Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi

జిల్లేడు కాయలు( కజ్జికాయలు) /// వినాయక చవితి special

                                                                      జిల్లేడు కాయలు (కజ్జికాయలు)

కావలిసిన పదార్థాలు

1. వరి పిండి ఒక గ్లాసు
2. ఉప్పు కొద్దిగా
3. నీళ్లు ఒక గ్లాసు
4. ఆయిల్ కొద్దిగా
5. కొబ్బరికాయ 1
6. బెల్లం పావుకేజీ
7. నెయ్యి కొద్దిగా

తయారీ విధానం

స్టవ్ వెలిగించి బాణలి పెట్టి అందులో
నీళ్లు  ఆయిల్ ఉప్పు వేసి బాగా మరగనిచ్చి
అందులో వరిపిండిని వేసి బాగా కలిపి
కొద్దిసేపు మగ్గనిచ్చి స్టవ్ నుండి దింపి చల్లారనివ్వాలి  

కొబ్బరికాయను కోరుకోవాలి
స్టవ్ వెలిగించి బాణలి పెట్టి నెయ్యి వేసుకుని
కొబ్బరికోరును వేసి దోరగా వేపుకుని
వేరే ప్లేటులోకి తీసుకోవాలి
అదే బాణలిలో వేపుకున్న కొబ్బరి తురుమును బెల్లమును వేసి
బాగా కలిపి స్టవ్ మీద పెట్టుకుని ఉడకనివ్వాలి
మధ్యమధ్య లో కలుపుతూ ఉండాలి
బాగా దగ్గర పడిన తరువాత స్టవ్ ఆఫ్ చేసుకుని చల్లారనిచ్చి
చిన్న ఉండలు గా చేసుకోవాలి
ముందుగా ఉడికించి పెట్టుకున్న వరిపిండిని
చిన్న ఉండలుగా చేసుకుని
 అర చేతికి ఆయిల్ రాసుకుని చిన్న సైజు పూరీ మాదిరిగా వత్తుకుని
తయారు చేసి పెట్టుకున్న కొబ్బరిబెల్లం ఉండను
దీని పైన పెట్టి నిలువుగా పొడవు గా వచ్చేలా చేతితో నొక్కుకోవాలి
అన్నీ ఇలా తయారు చేసుకున్న తరువాత
ఒక గిన్నె లో పెట్టి మూత పెట్టి
కుక్కరులో పెట్టి ఆవీరి మీద మగ్గ నిస్తే
జిల్లేడు కాయలు రెడీ .

వినాయక చవితి ప్రసాదానికి  కజ్జి కాయలు ప్రసిద్ధి .

వినాయక చవితి శుభాకాంక్షలు

Subha's Kitchen

ఉండ్రాళ్ళు

                                                                     ఉండ్రాళ్ళు

కావలిసిన పదార్థాలు

1. బియ్యపు నూక 3 గ్లాసులు
2. సెనగపప్పు చిన్నకప్పు
3. ఉప్పు రుచికి సరిపడా
4. ఆయిల్ 3 స్పూన్స్
5.  నీళ్లు

తయారీవిధానం

ముందుగా బియ్యాన్నిసన్నగా నూక లాగ గ్రైండ్ చేసుకుని,
 జల్లించుకోవాలి దీనివలన నూక లోని పిండి వేరవుతుంది
ఇది కష్టం అనుకుంటె వరినూక
కిరాణా షాపులలో దొరుకుతుంది అది తీసుకోవచ్చు.
 నీళ్లు ఒక గ్లాసుకి 2 గ్లాసులు పోసుకోవాలి.
 స్టవ్ వెలిగించి  బాణలి కానీ లేకపోతె ,ఇత్తడి గిన్నె కానీ తీసుకుని
 స్టవ్ మీదపెట్టి అందులో నీళ్లు , ఆయిల్ , సెనగపప్పును ,
సరిపడా ఉప్పు వేసి ఈ నీళ్లను బాగా మరగనివ్వాలి .
నీళ్లు మరిగిన తరువాత అందులో
ముందుగా తయారు చేసి పెట్టుకున్న వరి నూక ను వేసి ,
బాగా కలిపి మూత  పెట్టి బాగా మగ్గనివ్వాలి .
మధ్య మధ్యలో అట్లకాడతో కలుపుతూ ఉండాలి .
ఈ మిశ్రమాన్ని ఉడికిన తరువాత వెడల్పయిన ప్లేటులోకి తీసుకుని
చల్లారనిచ్చి చిన్నసైజ్ ఉండలు గా చేసుకుని ,
ఒకగిన్నె లో పెట్టి మూత పెట్టుకుని కుక్కరులో పెట్టి
ఇడ్లీ మాదిరిగా ఆవిరిమీద మగ్గనిస్తే వేడి వేడి ఉండ్రాళ్ళు రెడీ.

వినాయక చవితి నైవేద్యమునకు ఉండ్రాళ్ళు ప్రసిద్ధి.

వినాయక చవితి  శుభాకాంక్షలు తో .....

Subha's Kitchen 

కొత్తిమీర పచ్చడి

                                                                 కొత్తిమీర  పచ్చడి

కావలిసిన పదార్థాలు

1. కొత్తిమీర  2 కట్టలు
2. చింతపండు
3. పసుపు
4. ఉప్పు రుచికి  సరిపడ

పోపుదినుసులు

సెనగపప్పు 2 స్పూన్స్, మినపప్పు 2 స్పూన్స్ ,
ఆవాలు 1 స్పూన్ ,జీలకర్ర 1 స్పూన్, ఇంగువ కొద్దిగా
ఎండుమిరపకాయలు 6
ఆయిల్ 6 స్పూన్స్ , మెంతులు కొద్దిగా

తయారీ విధానం

 ముందుగా కొత్తిమీరను శుభ్రంగా కడిగి
సన్నగా తరుగుకుని ఆరబెట్టుకోవాలి
స్టవ్ వెలిగించి బాణలిపెట్టి అది వేడెక్కాక
ఆయిల్ వేసి పైన చెప్పిన పోపు దినుసులను వేసి దోరగా వేపుకుని
ఒక ప్లేటులోకి తీసుకుని చల్లారనివ్వాలి
అదే బాణలిలో ఆయిల్ వేసి
సన్నగా తరిగి ఆరబెట్టుకున్న కొత్తిమీరను ,పసుపును  ,
చింతపండును వేసి పచ్చి వాసన పోయేంత వరకు మగ్గనివ్వాలి .
చల్లారిన పోపుదినుసులను ,సరిపడా ఉప్పు వేసుకుని ,
మెత్తగా గ్రైండ్ చేసుకుని
చల్లారిన కొత్తిమీర మిశ్రమమును కూడా వేసి
మెత్త గా గ్రైండ్ చేసుకోవాలి .
ఈ మిశ్రమాన్ని అంతా ఒక బౌల్లోకి తీసుకుని
ఇంగువ పోపు తో కూడిన ఆయిల్ కాచి పోసుకుంటె
కొత్తిమీర ప చ్చడి రెడీ అవుతుంది 

ఈ పచ్చడిని అన్నంలోకి దోసెల్లోకి  చపాతీలోకి చాలా బాగుంటుంది

Subha's Kitchen 

మామిడి కాయ మెంతిముక్కలు"

                                                    " మామిడి కాయ మెంతిముక్కలు"

కావలిసిన పదార్థాలు

1. మామిడికాయలు 5.
2. ఎండుమిరపకాయలు పావుకేజి
3. ఆవాలు 3 స్పూన్స్
4. మెంతులు 3స్పూన్స్
5. మినపప్పు   2 స్పూన్స్
6. జీలకర్ర 1 స్పూన్
7. ఇంగువ కొద్దిగా
8. నువ్వులనూనె 2 కప్పులు
9. ఉప్పు రుచికి సరిపడా
10.  పసుపు కొద్దిగా

తయారీ విధానం

ముందుగా మామిడికాయలు శుభ్రంగా కడిగి
తడి లేకుండా తుడిచి , పొడి బట్ట మీద ఆరబెట్టుకోవాలి

 బాగా ఆరిన తరువాత తొక్కతో పాటు
సన్నగా చిన్నని  ముక్కలుగా తరుగుకోవాలి

స్టవ్ వెలిగించి బాణలి పెట్టి 3 స్పూన్స్ ఆయిల్ వేసి
పైన చెప్పిన ఎండుమిరపకాయలు , ఆవాలు  ,
మెంతులు , జీలకర్ర , మినపప్పు , ఇంగువ ,
వేసి దోరగా వేపుకోవాలి .

ఈ పోపు మిశ్రమాన్ని బాగా చల్లారనిచ్చి
సరి పద ఉప్పు వేసి మెత్తని పొడి లాగ చేసుకోవాలి
ఈ పొడిని తరిగిపెట్టుకున్న మామిడి ముక్కల మీద వేసి
కారము , ఉప్పు , కలిసేలా కలుపుకోవాలి.

 స్టవ్ వెలిగించి బాణలి పెట్టి వేడెక్కాక
ఆయిల్ , ఇంగువవేసి , బాగా కాగనిచ్చి
ఈ ఆయిల్ను మామిడి ముక్కాలా మిశ్రమం పైన వేసి
 కలుపుకోవాలి .

ఘుమ ఘుమ లాడే " మామిడి మెంతిముక్కలు " రెడీ
ఇవి ఒక నెలరోజులపాటు నిల్వ ఉంటాయి
ఇవి అన్నం లో చపాతీలో దోసె లలోను ఉప్మా లోను బాగుంటాయి .

Subha's Kitchen 

ఊతప్పం

                                                                 ఊతప్పం

కావలిసిన పదార్థాలు

1. మినప్పప్పు 1 గ్లాసు
2.  బియ్యం 2  గ్లాసులు
3. ఉప్పు రుచికి సరిపడా
4. పచ్చి మిర్చి 2
5. కేరట్లు 2
6. ఉల్లి పాయలు 2
7. కొత్తిమీర  కొద్దిగా
8. అల్లం చిన్నముక్క
9. కొబ్బరి కోరు చిన్నకప్పు
10. జీలకర్ర కొద్దిగా
11. ఆయిల్ చిన్న కప్పు

తయారీ విధానం

ముందుగా బియ్యం , మినపప్పులను శుభ్రంగా కడిగి
5 గంటలసేపు నానబెట్టుకోవాలి .
నానిన వీటిని
ఉప్పు వేసి మెత్తగా రుబ్బుకోవాలి .
పిండి గరిట జారు గా ఉండేలా చూసుకోవాలి
 కేరట్లను తురుముకోవాలి ,
ఉల్లిపాయలను , పచ్చిమిర్చిని , అల్లమును సన్నగా తరుగుకోవాలి
స్టవ్ వెలిగించి పెనం పెట్టి వేడెక్కాక
ఆయిల్ వేసి ఒక గరిటెడు పిండి వేసి
మధ్యస్తం గా ఉండేలా తిప్పి
 దీని పైన తరిగి పెట్టుకున్న ఉల్లి , పచ్చిమిర్చి,  అల్లం ,
 కేరట్  , కొబ్బరి తురుము,  కొత్తిమీర , జీలకర్ర వేసి ,
కొద్దిగా ఆయిల్ వేసి వేగనివ్వాలి
పైన మూతపెట్టి కొంచెము సేపు మగ్గనివ్వాలి.
ఒకపక్క వేగాక అట్లకాడతోతిరగేసి
రెండో పక్క  కూడా దోరగా వేపుకుంటే
వేడి వేడి ఊతప్పం రెడీ 

వీటిని కొత్తిమీర పచ్చడి అల్లం పచ్చడి కొబ్బరి పచ్చడిలతో తింటే చాలా బాగుంటాయి

Subha's kitchen