పూరీ సెనగ పిండికూర

పూరీ  సెనగ పిండికూర
కావలిసిన పదార్థాలు
1.  ఉల్లిపాయలు 5
2. బంగాళాదుంపలు 2
3. కేరట్లు 2
4. పసుపు కొద్దిగా
5. సెనగపిండి 3 స్పూన్స్
6. పచ్చిమిర్చి 3
7. అల్లం చిన్న ముక్క
8. కరివేపాకు9. పంచదార 1 స్పూన్
10. నీళ్లు కూరకి సరిపడా
11. ఉప్పు రుచికి సరిపడా
12. కొత్తిమీర

పోపుదినుసులు
సెనగ పప్పు 1 స్పూన్ , మినపప్పు 1 స్పూన్ , ఆవాలు అరస్పూన్ ,
జీలకర్ర అరస్పూన్ , ఎండుమిరపకాయ 1, ఆయిల్  2 స్పూన్స్

తయారీ విధానం
ఉల్లిపాయలను  చీలికలుగాను   ,అల్లమును  చిన్న  ముక్కలుగా  ,
పచ్చిమిర్చిని  చీలికలుగాను , బంగాళాదుంప,  కేరట్  లను  ,
చిన్న  ముక్కలుగా  తరుగుకోవాలి .

సెనగ పిండిని ఒక  బౌల్ లోకి  తీసుకుని , అందులో  ఒక  స్పూన్  పంచదారను ,
ఒక  గ్లాసు  నీళ్లను  పోసి  ,ఉండలు  లేకుండా  కలుపుకోవాలి  .

స్టవ్  వెలిగించి  బాణలి  పెట్టి  వేడెక్కాక  ,
ఆయిల్  వేసి,   పైన  చెప్పిన  పోపు  దినుసులను  వేసి  ,
దోరగా  వేగాక  ,
తరిగి పెట్టుకున్న  కూర  ముక్కలను,  కరివేపాకును,  పసుపు ,
 ఉప్పు ను  వేసి  బాగా కలిపి , తగినన్ని  నీళ్లు  పోసి   ,ఉడకనిచ్చి  ,
దీంట్లో  ముందుగా  నీళ్లలో  కలిపి  పెట్టుకున్న ,
 సెనగ పిండిని  వేసి  బాగా  కలిపి ఉడకనివ్వాలి  .

మధ్య  మధ్య లో  కలుపుతూ  ఉండాలి  లేకపోతే
అడుగంటుతుంది .
కూర  బాగా  దగ్గర  పడ్డాక  ,ఒక  బౌల్  లోకి  తీసుకుని  ,
కొత్తిమీర  తో  గార్నిష్  చేసుకుంటే  పూరీ   సెనగ  పిండి  కూర
రెడీ   అవుతుంది.

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writer:
Achanta Subbalakshmi
Achanta Subhadevi