ముక్కల పులుసు
కావలిసిన పదార్థాలు
1. ఆనపకాయ అర ముక్క
2. వంకాయలు 2.
3. బెండకాయలు 2.
4. టమాటో 1.
5. చిలకడ దుంపలు 5.
6. పచ్చిమిర్చి 2.
7. ములక్కాడ 1
8. కరివేపాకు కొద్దిగా
9. కొత్తిమీర
10. పసుపు కొద్దిగా
11. ఉప్పు రుచికి సరిపడా
12. చింతపండు నిమ్మకాయ అంత
13. బెల్లం చిన్న ముక్క
14. వరిపిండి 2 స్పూన్స్
పోపు దినుసులు
ఆవాలు కొద్దిగా , జీలకర్ర కొద్దిగా , మెంతులు కొద్దిగా ,
ఇంగువ కొద్దిగా , ఎండుమిరపకాయలు 2 , ఆయిల్ 1 స్పూన్
తయారీ విధానం
ముందుగా కూరలు అన్నిటిని శుభ్రంగా కడుగుకోవాలి .
వంకాయ , టొమాటోలను 4 ముక్కలుగా ను ,
చిలకడదుంపలను గుండ్రం గా ను ,
ఆనపకాయను పైన వున్న తొక్కను తీసి ,సమానమైన ముక్కలుగాను ,
ములక్కాడను 6 ముక్కలుగాను ,
బెండకాయను 3 ముక్కలుగా ను ,పచ్చిమిర్చిని చీలికలుగా తరుగుకోవాలి .
చింతపండును ఒక గిన్నెలో నీళ్లు పోసి నానబెట్టుకోవాలి.
ఒక గిన్నెలో తరిగిన ముక్కలన్నిటిని వేసి ,
నాన బెట్టుకున్న చింత పండు నుండి తుక్కులను తీసి,
పలుచని రసములా తీసి , దానిని తరిగిపెట్టుకున్న ముక్కలపైన పోసి ,
పసుపు ,సరిపడినంత ఉప్పు , బెల్లం ,వేసి స్టవ్ మీద పెట్టి ఉడకనివ్వాలి .
ఒక కప్పులో వరిపిండి ని కొద్దిగా నీళ్లు పోసి ఉండలు లేకుండా కలుపుకోవాలి .
ఈ పిండి మిశ్రమాన్ని ,
ముక్కలు ఉడికాక , పులుసులో వేసి బాగా కలిపి ఉడకనివ్వాలి .
మధ్య మధ్య లో కలుపుతూ ఉండాలి లేకపోతే అడుగంటుతుంది .
స్టవ్ వెలిగించి బాణలి పెట్టి వేడెక్కాక ,ఆయిల్ వేసి ,
పైన చెప్పిన పోపు దినుసులను ,కరివేపాకును వేసి ,దోరగా వేగాక ,
మరుగుతున్న పులుసు మీద వేసుకుని ,
కొద్దిసేపు మరగనిచ్చి స్టవ్ ఆఫ్ చేసుకుని
పైన కొత్తిమీర వేసి మూత పెట్టుకుంటే
ఘుమ ఘుమ లాడే ముక్కలపులుసు రెడీ .
Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writer:
Achanta Subhadevi
