నూనె గోంగూర

నూనె  గోంగూర

కావలిసిన  పదార్థాలు
1. గోంగూర ఒక కట్ట
2.  పచ్చి మిర్చి  10
3. పసుపు
4.  ఉల్లిపాయ  1
5. నువ్వులనూనె  అర  కప్పు
6. కారం  ఒకటిన్నర  స్పూన్స్
7.  ఉప్పు  రుచికి  సరిపడా
8. మెంతి పొడి  అర స్పూన్

పోపు  దినుసులు
సెనగపప్పు 2. స్పూన్స్  , మినపప్పు  1. స్పూన్  ,  ఆవాలు  1. స్పూన్ ,
 ఎండుమిరపకాయలు 2, కొంచెం ఇంగువ

తయారీ  విధానం
ముందుగా  గోంగూరను  శుభ్రం  గా కడిగి  సన్నగా  తరుగుకోవాలి .
పచ్చిమిర్చిని  చీలికలుగా  తరుగుకోవాలి.
ఉల్లి పాయను  సన్నగా తరుగుకోవాలి  .
స్టవ్  వెలిగించి  బాణలి  పెట్టి వేడెక్కాక , ఆయిల్  వేసి   ,
ఆవాలు  వేసి,  వేగాక  మినపప్పు,  సెనగపప్పు ,  ఎండుమిరపకాయలు , వేసి
అవి  దోరగా  వేగాక , పచ్చిమిర్చి  చీలికలు  ,సన్నగా  తరిగిన  ఉల్లిపాయలు , వేసి
కొద్దిసేపు  వేగనిచ్చి  తరువాత,
సన్నగా  తరిగిన  గోంగూరను , పసుపును వేసి ,  కొద్దిసేపు  మగ్గనిచ్చి ,
తరువాత ఉప్పు , మెంతి  పొడి  ,వేసి ,
బాగా  కలిపి  కారం   కూడా  వేసి
దగ్గర  పడేంత వరకు ఉంచి  , కొంచెం నూని వేడి చేసి , దానిలో ఇంగువ వేసి,
అందులోవేసి బాగా కలిపి
స్టవ్  ఆఫ్  చేసుకుంటే  ,
నూనె  గోంగూర  రెడీ  అవుతుంది
వేడి  అన్నం  లో  నెయ్యి  వేసుకు  తింటే  రుచిగా  ఉంటుంది.

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writer:
Achanta Subhadevi