బెండకాయ సెనగపిండి కారం కూర

బెండకాయ  సెనగపిండి  కారం  కూర

కావలిసిన  పదార్థాలు
 1. బెండకాయలు  పావుకేజీ
2.  సెనగ పిండి  3 స్పూన్స్
3.  కారం  2 స్పూన్స్
4. ఉప్పు  రుచికి సరిపడా
5. పసుపు  కొద్దిగా
6.  జీలకర్ర  1 స్పూన్
7. ఆయిల్  8. స్పూన్స్
8. కరివేపాకు

తయారీ  విధానం
ముందుగా  బెండకాయలను  శుభ్రం గా కడిగి  తుడిచి ఆరబెట్టుకోవాలి .
ఆరిన  బెండకాయలను  పైన  కింద   వున్న తొడిమలు  తీసి ,
బజ్జీపచ్చిమిరపకాయ లకు  ఎలా  గాట్లు  పెట్టుకుంటామో ఆలా గాట్లు  పెట్టుకోవాలి .
ఒక  ప్లేట్ లోకి  సెనగపిండి  ,కారం , తగినంత ఉప్పు  ,పసుపు  ,జీలకర్ర వేసి ,
బాగా కలిపి  3 స్పూన్స్  ఆయిల్  వేసి ,ముద్దలాగా  కలుపుకుని ,
గాట్లు  పెట్టుకున్న  బెండకాయలలో  కూరు కోవాలి .
స్టవ్  వెలిగించి  వెడల్పయిన  బాణలి  పెట్టి  వేడెక్కాక
4  స్పూన్స్  ఆయిల్ వేసి  ,కారం  కూరుకున్న  బెండకాయలను   ,
కరివేపాకును వేసి  ,అట్లకాడతో  కలిపి
మగ్గనివ్వాలి .మధ్య మధ్యలో  అట్లకాడతో  కలుపుతూ  ఉండాలి .
బాగా  మగ్గిన  తరువాత  స్టవ్  ఆఫ్  చేసుకుని,
ఒక  బౌల్లోకి  తీసుకుంటే
బెండకాయ  సెనగపిండి కారం  కూర  రెడీ అవుతుంది.

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writer:
Achanta Subhadevi