కాకర కాయ బెల్లం పెట్టి కూర

కాకర  కాయ  బెల్లం  పెట్టి  కూర

కావలిసిన  పదార్థాలు
1. కాకర  కాయలు  పావుకేజీ
2.  ఉల్లిపాయ  1
3. కరివేపాకు
4. పసుపు  కొద్దిగా
5. ఉప్పు  రుచికి  సరిపడా
6.  బెల్లం  తగినంత
7.  వరిపిండి  1 స్పూన్
8. చింత  పండు  కొద్దిగా
9. నీళ్లు  తగినన్ని

పోపు  దినుసులు
 సెనగ పప్పు  1 స్పూన్ , మినపప్పు  1 స్పూన్ , ఆవాలు  అర  స్పూన్  ,
జీలకర్ర  అర  స్పూన్  ఎండుమిరపకాయలు  2, ఆయిల్  2  స్పూన్స్

తయారీ  విధానం
ముందుగా  కాకర  కాయలను శుభ్రం  గా  కడిగి ,  గుండ్రంగా  చక్రాలుగా తరిగి ,
మధ్యలో  వున్న గుజ్జును  తీసివేయాలి .
 ఉల్లిపాయలను  సన్నగా  తరుగుకోవాలి ,
ఇలా  తరిగిన  కాకర కాయ  చక్రాలను ,
 తగినన్ని  నీళ్లు  పోసి ,   కొద్దిగా  చింతపండును  వేసి ,
కుక్కరులో  పెట్టి  ఉడికించుకుని చల్లార్చుకోవాలి.
స్టవ్  వెలిగించి  బాణలి  పెట్టి  వేడెక్కాక  ,
ఆయిల్  వేసి  పైన  చెప్పిన  పోపు  దినుసులను  వేసి
దోరగా  వేగాక   కరివేపాకును, ఉల్లిపాయ ముక్కలను  వేసి ,
అవి కూడా  దోరగా  వేగిన  తరువాత  ,
ముందుగా   ఉడికించి  పెట్టుకున్న  కాకరకాయ  ముక్కలు  ,
పసుపు  ,ఉప్పు  , బెల్లం  , వరిపిండి ,  వేసి  బాగా   కలిపి  ,
కొద్దిసేపు  మగ్గనిచ్చి కూర  అంతా  దగ్గర. పడేంత  వరకు  ఉంచి ,
 స్టవ్   ఆఫ్  చేసుకుంటే
కాకర  కాయ  బెల్లం  కూర  రెడీ  అవుతుంది.

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writer:
Achanta Subbalakshmi
Achanta Subhadevi