దొండకాయ ఉల్లి కారం కూర

దొండకాయ  ఉల్లి  కారం  కూర

కావలిసిన  పదార్థాలు
1. దొండకాయలు  పావుకేజీ
2.   పసుపు  కొద్దిగా
3. ఉప్పు రుచికి  సరిపడా
4. ఆయిల్ 5స్పూన్స్

ఉల్లి కారమునకు
ఉల్లిపాయలు  2 , ఎండుమిరపకాయలు  6 , సెనగపప్పు  1 స్పూన్,
మినపప్పు 1 స్పూన్ , ఆవాలు  అర స్పూన్ , జీలకర్ర అర  స్పూన్ ,
 ధనియాలు  1 స్పూన్ ,

తయారీ  విధానము
ముందుగా  దొండకాయలను  శుభ్రం గా  కడిగి ,
పైన  కింద  వున్న  తొడిమలు  తీసి ,
గుత్తి వంకాయ  మాదిరిగా  కాయలపడంగా  తరుగుకోవాలి  .

ఉల్లిపాయలను  సన్నగా చిన్న  ముక్కలుగా  తరుగుకోవాలి.

స్టవ్  వెలిగించి   బాణలి  పెట్టి ,  వేడెక్కాక  ఒక  స్పూన్  ఆయిల్  వేసి   ,
పైన  చెప్పిన  పోపు దినుసులను  వేసి,   దోరగా  వేపుకుని ,
 ఒక  ప్లేటులోకి  తీసకుని  చల్లార్చుకోవాలి .

మరల ఒక  స్పూన్  ఆయిల్  వేసి   , ఉల్లిపాయముక్కలు  కూడా   దోరగా  వేపుకుని,
చల్లార్చుకోవాలి .
ముందుగా  చల్లారిన  పోపును , తగినంత  ఉప్పు  వేసి  ,
మెత్తని  పొడిలాగా   గ్రైండ్ చేసుకుని ,
దీంట్లోనే  వేపుకున్న  ఉల్లిపాయ  ముక్కలను  వేసి   ,
మెత్తని  ముద్దలాగ  గ్రైండ్  చేసుకోవాలి .

ఇలా  గ్రైండ్  చేసి  పెట్టుకున్న  ఉల్లి కారమును  ,
తరిగి పెట్టుకున్న  దొండకాయలలో  కూరుకోవాలి .

 స్టవ్  వెలిగించి  వెడల్పయిన  బాణలి  పెట్టి  వేడెక్కాక   ,
3  స్పూన్స్  ఆయిల్  వేసి  ,
ఉల్లికారం కూరు కున్న  దొండకాయలను  వేసి, అట్లకాడ తో  కలిపి  ,
పైన  మూత  పెట్టి  బాగా  వేగనివ్వాలి.

మధ్య  మధ్యలో  అట్లకాడతో  కలుపుతూ  ఉండాలి.
అవసరమైతే  ఆయిల్  కూడా  వేస్తూ  ఉండాలి  .
కాయలన్ని  బాగా  వేగిన  తరువాత, స్టవ్  ఆఫ్  చేసుకుంటే  ,

దొండకాయ  ఉల్లికారం  కూరరెడీ  అవుతుంది.

ఈ  కూరకి  సన్నని  లేతగా  వుండే  దొండకాయలు  తీసుకుంటే  కూర  రుచిగా  వస్తుంది
ఈ కూరను  వేడి అన్నంలో  నెయ్యి  వేసుకుని  తింటే  రుచిగా  ఉంటుంది.

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writer:
Achanta Subbalakshmi
Achanta Subhadevi