Tuesday 20 December 2016

కూర కారం చల్లిన బేబీ పొటాటోస్ వేపుడు


కూర కారం చల్లిన బేబీ పొటాటోస్   వేపుడు

కావలిసిన పదార్థాలు
1. బేబీ పొటాటోస్ పావుకేజీ
2. ఆయిల్ 5 స్పూన్స్

కూర కారానికి
సెనగ పప్పు 2 స్పూన్స్ ,మినపప్పు 2 స్పూన్స్ ,
ఆవాలు అర  స్పూన్ , జీలకర్ర అర  స్పూన్ , ధనియాలు 1 స్పూన్
 ఎండుమిరపకాయలు 6 , ఉప్పు రుచికి సరిపడా

విధానం
ముందుగా స్టవ్ వెలిగించి బాణలి పెట్టి వేడెక్కాక
ఆయిల్ వేసి పైన చెప్పిన పోపుదినుసులను వేసి,
 దోరగా వేపుకోవాలి .వీటిని చల్లారాక ఉప్పు వేసి ,
మెత్తగా పొడి లాగ
గ్రైండ్ చేసుకుని ఒక పక్కన పెట్టుకోవాలి .

బేబీ పొటాటోస్ ను శుభ్రంగా కడిగి ,
ఉడికించి చల్లారబెట్టుకోవాలి .
పైన తొక్క తీసి ఒక పక్కన పెట్టుకోవాలి .

స్టవ్ పైన బాణలి పెట్టి ఆయిల్ వేసి
ఉడికించి చల్లార బెట్టుకున్న  బేబీ పొటాటోస్ వేసి
దోరగా వేగనివ్వాలి . మధ్య మధ్య లో
అట్లకాడ తో కలుపుతూ ఉండాలి
ఆయిల్ కూడా వేస్తూ ఉండాలి
బాగా దోరగా వేగిన తరువాత,
ముందుగా తయారు చేసి పెట్టుకున్న
కూర కారం చల్లు కుంటే,
బేబీ పొటాటోస్ వేపుడు రెడీ.

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi