పాలకూర పప్పు

పాలకూర పప్పు

కావలిసిన పదార్థాలు
1. పాలకూర 1 కట్ట
2. కందిపప్పు ఒక కప్పు
3.  పసుపు
4. పచ్చిమిర్చి 2
5. చింతపండు కొద్దిగా
6.  ఉప్పు రుచికి సరిపడా
7. కారం కొద్దిగా
8. కరివేపాకు
9. నీళ్లు తగినన్ని

పోపు దినుసులు
మినపప్పు అర స్పూన్ , ఆవాలు కొద్దిగా,  జీలకర్ర కొద్దిగా ,
ఎండుమిరపకాయలు 2 ,ఇంగువ కొద్దిగా , వెల్లుల్లి రెబ్బలు 3
ఆయిల్ 2 స్పూన్స్

తయారీ విధానం
ముందుగా పాలకూరను శుభ్రంగా కడిగి,
 సన్నగా తరుగుకోవాలి .
కందిపప్పును కూడా శుభ్రం గా కడిగాలి .
ఇలా కడిగిన కందిపప్పును , పాలకూరను ,
తగినంత నీళ్లు పోసుకుని కుక్కరులో పెట్టి
ఉడికించుకోవాలి .
చింత పండును కొద్దిగా నీళ్లు పోసి ఒక కప్పులో నానబెట్టుకోవాలి .
స్టవ్ వెలిగించి బాణలి పెట్టి వేడెక్కాకఆయిల్ వేసి
 పైన చెప్పిన పోపు దినుసులను , వెల్లుల్లి రెబ్బలను వేసి ,
అవి దోరగా వేగాక ,
కరివేపాకు , పచ్చిమిర్చిలను ముందుగా
ఉడికించి పెట్టుకున్న పాలకూర , పప్పులను ,
పసుపు సరిపడినంత ఉప్పు,  కారం , చింతపండు రసములను వేసి ,
బాగా కలిపి కొద్దిసేపు ఉడకనివ్వాలి.
 గరిట జారుగా వచ్చేంత వరకు ఉంచి
స్టవ్ ఆఫ్ చేసుకుంటే
ఘుమఘుమ లాడే పాలకూర పప్పు రెడీ
ఈ పప్పును అన్నం లోకి చపాతీ లోకి బాగుంటుంది.

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi