టమాటో ఉల్లిపాయ కూర

టమాటో ఉల్లిపాయ కూర

కావలిసిన పదార్థాలు
1. టొమాటోలు 6
2. ఉల్లిపాయలు 5
3. పచ్చిమిర్చి 2
4. కరివేపాకు
5. కొత్తిమీర
6. పసుపు
7. ఉప్పు రుచికిసరిపడ
8. కారం కొద్దిగా

పోపుదినుసులు
సెనగపప్పు 1 స్పూన్ , మినపప్పు 1 స్పూన్,  ఆవాలు అర స్పూన్  ,
జీలకర్ర అరస్పూన్ ,ఎండుమిరపకాయ,1ఆయిల్ 3 స్పూన్స్

తయారీ విధానం
 టొమాటోలను , ఉల్లిపాయలను శుభ్రం గా కడిగి
సన్నని చిన్నని ముక్కలుగా తరుగుకోవాలి .
పచ్చిమిర్చిని చీలికలుగా తరుగుకోవాలి .
స్టవ్ వెలిగించి బాణలి పెట్టి వేడెక్కాక , ఆయిల్ వేసి
పైన చెప్పిన పోపు దినుసులను వేసి
అవి దోరగా వేగాక ,  కరివేపాకు,  తరిగిపెట్టుకున్న టొమాటో ఉల్లిపాయముక్కలు
పచ్చిమిర్చి చీలికలు ,పసుపు , కారం , సరిపడా ఉప్పు వేసి
బాగా కలిపి కొద్దిగా నీళ్లు పోసి ఉడకనివ్వాలి .
మధ్య మధ్యలో కలుపుతూ ఉండాలి
నీరంతా పోయి కూర దగ్గర పడ్డాక
ఒక బౌల్ లోకి తీసుకుని
 కొత్తిమీర తో గార్నిష్ చేసుకుంటె టొమాటో ఉల్లి పాయ కూర రెడీ
ఈ కూరను అన్నం లోను , చపాతీ లలోకి బాగుంటుంది
Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi