సివంగి వంకాయ

సివంగి వంకాయ
కావలిసిన పదార్థాలు

1. వంకాయలు పావుకేజీ
2. చింతపండు రసం
3. నూపప్పు పొడి 2స్స్పూన్స్
4.  బెల్లం కొద్దిగా
5. పసుపు కొద్దిగా
6. ఉప్పు రుచికి సరిపడా
7. ఉల్లిపాయలు 2
8. కొత్తిమీర కొద్దిగా
9. జీడిపప్పు పొడి
10. ఆయిల్ 5 స్పూన్స్

కూరకారానికి
 సెనగపప్పు 1 స్పూన్ , మినపప్పు 1 , ఆవాలు అర స్పూన్ ,
జీలకర్ర అర స్పూన్ ,ధనియాలు అర స్పూన్ , ఎండుమిరపకాయలు 4

పోపుకి
 ఆవాలు కొద్దిగా , జీలకర్ర కొద్దిగా , ఇంగువ కొద్దిగా , ఎండుమిరపకాయ 1

తయారీ విధానము
ముందుగా వంకాయలను శుభ్రంగా కడిగి గుత్తులుగా తరుగుకోవాలి
ఉల్లిపాయలను సన్నగా చిన్న ముక్కలుగా తరుగుకోవాలి .
చింత పండును కొద్దిగా నీళ్లు పోసి నానబెట్టుకోవాలి ,
స్టవ్ వెలిగించి బాణలి పెట్టి వేడెక్కాక జీడిపప్పును దోరగా వేపుకుని
ఒక ప్లేటులోకి తీసుకోవాలి ,నూపప్పు ను కూడా దోరగా వేపుకుని ,
ఒక ప్లేటులోకి తీసుకోవాలి .
తరువాత ఒక స్పూన్ ఆయిల్ వేసి
సెనగపప్పు ,మినపప్పు ,ఆవాలు , జీలకర్ర , ఎండుమిరపకాయలు ,
వేసి దోరగా వేపుకోవాలి .ఇలా వేపుకున్న జీడీ పప్పును ,నూపప్పును ,
పోపు దినుసులను వేటికవి , విడివిడిగా మెత్తని పొడి లాగ గ్రైండ్ చేసుకోవాలి .
స్టవ్ వెలిగించి బాణలి పెట్టి వేడెక్కాక ఆయిల్ వేసి
తరిగిపెట్టుకున్న ఉల్లిపాయ ముక్కలను వేసి దోరగా వేగాక
వంకాయ గుత్తులను వేసి కొద్దిసేపు మగ్గనివ్వాలి .
ఇలా  ముందుగా  నీళ్లలో నానబెట్టుకున్న చింతపండునుండి తుక్కులను తీసివేసి
ఆ రసమును మగ్గిన వంకాయలమీద వేసుకోవాలి,
తరువాత కొద్దిగా పసుపు, తగినంత ఉప్పు , కొద్దిగా బెల్లం వేసి ,
బాగా కలిపి కొద్దిసేపు మగ్గనిచ్చి,
 ముందుగా పొడి చేసి పెట్టుకున్న నూపప్పు పొడి ,కూరకారము ,జీడిపప్పు పొడి వేసి,
అట్లకాడతో కలిపి కొద్దిసేపు మగ్గనిచ్చి స్టవ్ ఆఫ్ చేసుకుని

కొత్తిమీరతో గార్నిష్ చేసుకుంటే
సివంగి వంకాయ రెడీ.

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi