అటుకుల " సెట్ దోసె "

                                                        అటుకుల  " సెట్  దోసె "

కావలిసిన పదార్థాలు

1. అటుకులు ఒక గ్లాసు
2. బియ్యం 2 గ్లాసులు
3. పెరుగు ఒక గ్లాసు
4. ఉప్పు రుచికి సరిపడ
5. జీలకర్ర 1 స్పూన్
6. ఉల్లిపాయలు 2
7. కేరట్లు 2
8. పచ్చిమిర్చి 3
9. అల్లం చిన్న ముక్క
10.  కొత్తిమీర

తయారీ విధానం
ముందుగా అటుకులను పెరుగులోను ,
బియ్యాన్ని నీళ్లలోనూ నానబెట్టుకోవాలి .
ఎంత నానితే దోసెలు అంత రుచిగా వస్తాయి .
నానబెట్టుకున్న వీటిని శుభ్రంగా కడిగి ,
ఉప్పు , పచ్చిమిర్చి వేసుకుని  మెత్తగా ,
మినప దోసెలపిండి మాదిరిగా గ్రైండ్ చేసుకోవాలి .
ఉల్లి పాయలను , అల్లం పచ్చిమిర్చి, కొత్తిమీర లను
 సన్నగా తరుగుకోవాలి ,
 క్యారెట్టును కొబ్బరికోరులాగా తురుముకోవాలి .
స్టవ్ వెలిగించి పెనం పెట్టుకుని అది వేడెక్కాక ,
ఆయిల్ వేసి పెనం అంతా రాసి ,
రుబ్బుకున్న పిండి ఒక గరిటెడువేసి ,
మధ్యస్తంగా తిప్పుకుని ,
పైన తరిగిపెట్టుకున్న ఉల్లిపాయ , అల్లం , పచ్చిమిర్చి ముక్కలు ,
కారేట్టు తురుము , కొత్తిమీరలను  , జీలకర్రను  వేసి ,
అట్లకాడతో ఆదిమి
ఆయిల్ వేసి ,వేగాక
రెండో వైపుకి తిప్పి
ఆయిల్ వేసి దోరగా వేపుకుంటే
వేడి వేడి సెట్ దోసె  రెడీ
వీటిని కొత్తిమీర పచ్చడి తో గాని , పల్లి పచ్చడి తో గాని తింటే  బాగుంటుంది .
Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi