కందా బచ్చలి కూర

                                                               కందా బచ్చలి  కూర

కావలిసిన పదార్థాలు
1. కంద  పావు కేజీ
2. బచ్చలి 2 కట్టలు
3. పచ్చిమిరప కాయలు  4
4.అల్లం చిన్న ముక్క
5.  కరివేపాకు
6. ఆవముద్ద 1 స్పూన్
7. పసుపు కొద్దిగా
8. చింతపండు గుజ్జు ఒక స్పూన్

పోపు దినుసులు
సెనగ పప్పు 1 స్పూన్,  మినపప్పు 1 స్పూన్ ,ఆవాలు అర స్పూన్ ,
జీలకర్ర,అర స్పూన్ ,ఎండుమిరపకాయలు 3
ఉప్పు రుచుకి సరిపడా , ఆయిల్ 5 స్పూన్స్

తయారీ విధానం
ముందుగా కంద ను పైన వున్న తొక్కు తీసి
శుభ్రంగా కడుగుకొని చిన్న ముక్కలుగా తరుగుకోవాలి
 బచ్చలిని కూడా శుభ్రంగా కడుగుకొని సన్నగా తరుగుకోవాలి
పచ్చిమిర్చిని చీలికలుగాను అల్లాన్ని సన్నగాను తరుగుకోవాలి
తరిగిపెట్టుకున్న కందను ,బచ్చలిని కుక్కరులో పెట్టి
ఉడికించి చల్లార బెట్టుకోవాలి
 స్టవ్ వెలిగించి బాణలి పెట్టి 4 స్పూన్స్ ఆయిల్ వేసుకుని
 వేడెక్కాక పైన చెప్పిన పోపు దినుసులను వేసి దోరగా వేగాక
 పచ్చిమిర్చి చీలికలు అల్లం ముక్కలు కరివేపాకు వేసి అవి కూడా వేగాక
 ఉడికించి చల్లారబెట్టుకున్న కంద బచ్చలి మిశ్రమం ,
పసుపు ,చింత పండు గుజ్జు ,సరిపడినంత ఉప్పు వేసి
కూర అంతా బాగా కలిపి కొద్దిసేపు మగ్గనివ్వాలి
కూర అంతా బాగా దగ్గర పడ్డాక
 స్టవ్ ఆఫ్ చేసుకోవాలి కూర బాగా చల్లారాక
 ముందుగా నూరి పెట్టుకున్నఆవ ముద్ద
ఒక స్పూన్ ఆయిల్ వేసి కూర అంతా బాగా కలిసేలా కలుపుకుంటే
 ఘుమ ఘుమ లాడే కందా బచ్చలికూర రెడీ అవుతుంది

ఆవ ముద్దను కూర చల్లారాక కలుపుకోవాలి లేకపోతె చేదు వస్తుంది

Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writers:
Achanta Subba laxmi
Achanta Subhadevi