శ్రీకృష్ణతాండవ స్తోత్రమ్ |

భజే వ్రజైకనందనం సమస్తపాపఖండనం
స్వభక్తచిత్తరంజనం సదైవ నందనందనమ్ |
సుపిచ్ఛగుచ్ఛమస్తకం సునాదవేణుహస్తకం
అనంగరంగసారగం నమామి సాగరం భజే || ౧ || 

మనోజగర్వమోచనం విశాంఫాలలోచనం
విఘాతగోపశోభనం నమామి పద్మలోచనమ్ |
కరారవిందభూధరం స్మితావలోకసుందరం
మహేంద్రమానదారణం నమామి కృష్ణ వారణమ్ || ౨ || 

కదంబసూనకుండలం సుచారుమండగండలం
వ్రజాంగనైక వల్లభం నమామి కృష్ణ దుర్లభమ్ |
యశోదయా సమోదయా సకోపయా దయానిధిం
హ్యులూఖలే సుదుస్సహం నమామి నందనందనమ్ || ౩ || 

నవీనగోపసాగరం నవీనకేళిమందిరం
నవీన మేఘసుందరం భజే వ్రజైకమందిరమ్ |
సదైవ పాదపంకజం మదీయ మానసే నిజం
దరాతినందబాలక-స్సమస్తభక్తపాలక || ౪ || 

సమస్త గోపసాగరీహ్రదం వ్రజైకమోహనం
నమామి కుంజమధ్యగం ప్రసూనబాలశోభనమ్ |
దృగంతకాంతలింగణం సహాస బాలసంగినం
దినే దినే నవం నవం నమామి నందసంభవమ్ || ౫ || 

గుణాకరం సుఖాకరం కృపాకరం కృపానవం
సదా సుఖైకదాయకం నమామి గోపనాయకమ్ |
సమస్త దోషశోషణం సమస్త లోకతోషణం
సమస్త దాసమానసం నమామి కృష్ణబాలకమ్ || ౬ || 

సమస్త గోపనాగరీ నికామకామదాయకం
దృగంతచారుసాయకం నమామి వేణునాయకమ్ |
భవో భవావతారకం భవాబ్ధికర్ణధారకం
యశోమతే కిశోరకం నమామి దుగ్ధచోరకమ్ || ౭ || 

విముగ్ధముగ్ధగోపికా మనోజదాయకం హరిం
నమామి జంబుకాననే ప్రవృద్ధవహ్ని పాయనమ్ |
యథా తథా యథా తథా తథైవకృష్ణసర్వదా
మయా సదైవగీయతాం తథా కృపా విధీయతామ్ || ౮ || 

ఇతి శ్రీకృష్ణతాండవ స్తోత్రమ్ |