ప్రేమంటే ఇదే...కధ

ప్రేమంటే ఇదే

మేఘాలు కమ్ముకుంటున్నాయి... 

వర్షం మొదలయ్యింది..
గాలి బాగా వీస్తోంది.
చెట్లు ఊగి పోతున్నాయి.. కరెంట్ లేదు
అంతా చీకటి..

పడవ ని ఒడ్డున తాడుతో కట్టేసాడు వీరయ్య...ఈ వర్షం ఒకటి తెగ కురిసేత్తోంది... ఎక్కడా తెరిపి ఇచ్చే టట్లు గా లేదు... ఇవాళ్టి కి ఓ చుక్క ఏసుకుని పడుకోవడమే... అనుకుంటూ కల్లు పాక చేరాడు.. అక్కడ లాంతరు వెలుగు చిన్నగా వస్తోంది...పాక చూరు లోంచి వర్షం చుక్కలు ధారగా పడుతూ ఉన్నాయి...
సూరి గాడు అక్కడే ఉన్నాడు... రారా వీరయ్య.. ఈయ్యేల దాకా ఏంచేస్తున్నావు...
ఇంత వాన లో కూడా పడవ ఏసేద్దామనే...
అన్నాడు..
అదేం లేదు...నది చాలా వేగం గా ఉంది.. పడవని ...ఒడ్డున కట్టేసి వచ్చా... అయిన ఇంత చీకట్లో, ఈ వర్షం లో రేవు దాటే వాళ్ళు ఎవరుంటారు... అన్నాడు...
ఓ చుక్క ఎత్తవా... అని అడిగాడు... సూరి
ఇయ్యాల బేరం లేదు... డబ్బులు నువ్వే ఇయ్యాల మరి... అన్నాడు వీరయ్య...
అలాగే ఇత్తా గాని కానియ్...
ఒరేయ్ ఆడికి ఇయ్యాల మన ఖాతాలో ఏసేయ్... అన్నాడు.
ఫుల్ గా.. తాగేసి అక్కడే పడిపోయాడు...
ఒరేయ్ వీరిగా అంటూ పిలిచాడు...
లేవట్లేదు.. ఇంత వర్షం లో ఈడిని తీసుకు వెళ్ళేది లేదు కానీ... ఇక్కడే పడి ఉండని... రేపు లేచి ఆడే పోతాడు... అంటూ షాప్ వాడికి చెప్పి..
బయలు దేరాడు సూరి..
వాన పెద్దది గానే ఉంది ..గొడుగు వేసుకుని సైకిల్ నడిపించుకుంటు బయలుదేరాడు.. సూరి..
***
ఇంతలో గోడ మీద నుండి ఒక బాగ్ బయట పడింది.
అక్కడే గొడుగు తో ఉన్న రాజేష్ ఆ బాగ్ తీసుకున్నాడు.
కళ్ళు కనిపించట్లేదు..
గోడ మీద నుండి కిందకి దూకింది మాధవి.
రా రా తొందరగా...
మళ్ళీ ఎవరైనా చూస్తే సమస్య...అన్నాడు చెయ్యి పట్టుకుని లేపుతూ...
పద పద అంటూ గొడుగు వేసుకుని ..వీధుల్లో జాగ్రత్తగా ఎవరూ లేకుండా చూసు కుంటూ బయలుదేరారు.
ఈ వీధి దాటితే మనం తొందరగా నది ఒడ్డు కి చేరుకుంటాం... అంటూ వడి వడి గా నడవ సాగారు...
వీళ్ళిద్దరూ వెళ్లడం అజయ్  పాలేరు  సూరి...చూసాడు...
ఎవరూ అమ్మాయి గారి లా ఉందే .
ఇంత వర్షం లో ఎక్కడికి వెడుతున్నారు..
అమ్మాయి గారూ అంటూ పిలిచాడు..
అమ్మో వీడు చూసేసాడు...
తొందరగా పద అంటూ పరిగెత్తింది రాజేష్ చెయ్యి పట్టుకుని...
వాడు రాజేష్ లాగా ఉన్నాడు...
ఈ విషయం వెంటనే అయ్యగారి కి చెప్పాలి అంటూ,
గొడుగు ముడిచి ,సైకిల్ తొక్కుకుంటు... బయలు దేరాడు.
అయ్యా అయ్యా...అంటూ గట్టిగా అరిచాడు గేటు బైట నుంచుని.
కాపలా కాస్తున్న వాళ్ళు ....
ఏరా ఇంత వర్షం లో వచ్చావు...
రేపు రా , అయ్యగారు బిజీ గా ఉన్నారు అన్నాడు.
లేదు ...నేను ఒక ముఖ్య మైన విషయం మాట్లాడాలి..
కొంచెం చెప్పు... తొందరగా అన్నాడు...
ఏమిటి నాతో చెప్పు అన్నాడు..
అది అయ్యగారి విషయం ఆయనకి చెప్పకుండా నీకు చెప్పలేను...
తొందరగా నన్ను అయ్యగారి దగ్గరకి తీసుకు వెళ్లు. అన్నాడు..
సరే రా అంటూ గేట్ తీసి , లోపలికి తీసుకుని వెళ్ళాడు.
లోపల
అజయ్ కూర్చుని మందు తాగుతున్నాడు.
ఏరా ఇలా వచ్చావు.. అన్నాడు .
అయ్యా తమతో ఒక ముఖ్యమైన విషయం చెప్పాలి...అని పక్కన ఉన్న అతని వైపు చూసాడు...
నువ్వు బయట ఉండు... అన్నాడు.
సరే అండీ అంటూ బైటకి వెళ్ళాడు...
ఇప్పుడు చెప్పు ఏమి జరిగింది.అని అడిగాడు... ఇందాక అమ్మాయిగారూ..
ఆ రాజేష్ గాడు నది వైపు వెళుతుండగా చూసాను.. చేతిలో బాగ్ ఉంది... నేను పిలిస్తే పలకలేదు..
పైగా వినబనట్టు వెళ్లిపోయారు. నాకేదో అనుమానం గా ఉంది...అందుకే మీ దగ్గరకి పరిగెత్తుకుని వచ్చాను... అన్నాడు...
ఒక్కసారి ఉలిక్కి పడ్డాడు... అజయ్
.. ఎంత సేపు  అయ్యింది అన్నాడు...కోపం గా..
ఇప్పుడే అండీ...
రచ్చ బండ దగ్గర చూసాను...
నది బాగా పోటు మీద ఉంది...
వీరి గాడు వర్షం కదా అని తాగేసి పడుకున్నాడు...
పడవ లేదుకదా అని మీతో చెపుదామని వచ్చాను. అన్నాడు.
ఎవర్రా అక్కడ అని అరిచాడు..
వెంటనే నలుగురు పరిగెత్తుకుని వచ్చారు.. అమ్మాయి గారిని ఆ రాజేష్ గాడు తీసుకు పోతున్నాడు..
నది వైపు కి వేడుతున్నారు ట...
వాళ్ళు ఎట్టి పరిస్థితుల్లో ఊరు దాట కూడదు... తొందరగా వెళ్ళండి....అంటూ ఆజ్ఞా పించాడు...
ఆ రాజేష్ గాడి కాళ్ళు చేతులు విరిచయిన సరే...తీసుకు రండి..
అమ్మాయి గారు జాగ్రత్త...అంటూ పురమాయించాడు...
అందరూ బయలుదేరి వెళ్లారు.
కొంత దూరం వెళ్ళాక జీపు లు బురదలో ఆగిపోయాయి.. కిందకి దిగి కత్తులు కర్రలు పుచ్చుకుని  టార్చ్ లైట్ లు వేసుకుంటూ...పరిగెత్తారు ...
మాధవి రాజేష్ లు నది ఒడ్డుకి చేరుకున్నారు... నది చాలా స్పీడ్ గా ఉంది..
వీరి గాడు లేడు.. ఇప్పుడు ఎలా...
నే వెళ్లి వాడిని తీసుకుని వస్తా అన్నాడు..
వద్దు వాళ్ళు మనల్ని చుసేసారు.ఇంకాసేపట్లో వచేస్తారు... ఎలాగై నా నది దాటేయాలి అంది మాధవి..
ఇంతలో దూరం గా టార్చ్ వెలుగు లు కనిపించాయి.అదిగో వాళ్ళు వచేస్తున్నారు... మనం పడవ తీసేద్దాం అంది మాధవి.
సరే అంటూ పడవ తాడు విప్పాడు...
ఇద్దరూ అందులో కూర్చుని... ఒక్క నిమిషం అంటు మళ్ళీ దిగాడు... ఏంటి మళ్ళీ అంది ...వాళ్ళు ఇంకో పడవలో వచ్చేస్తే... దాన్ని నదిలో వదిలేస్తే వాళ్ళు మన వెనుక రాలేరు అంటూ రెండో పడవ తాళ్ళు విప్పేసాడు.. ముందుకి తోసేశాడు... అది నెమ్మది గా నదిలోకి వెళ్ళిపోయింది.. అప్పుడు రాజేష్ కూడా పడవ ఎక్కి తెడ్డు వేయసాగాడు.. గట్టిగా పట్టుకో చాలా వేగంగా ఉంది నది..అన్నాడు.
ఇంతలో పరిగెత్తు కుని వచ్చి నవాళ్ళకి అక్కడ ఏమి కనబడలేదు..
టార్చ్ వేస్తే దూరంగా పడవ కనబడింది..ఐరెయ్ తొందరగా రెండో ది తీయాండ్రా అన్నారు...
అన్నా అది కూడా నదిలో కి వెళ్ళిపోయింది...
ఇంత స్పీడ్ గా ఉన్న నదిని ఈదడం కష్టం...వెళ్లి ఆయ్యగారికి చెపుదాం.. ఆయనే చూసుకుంటాడు..అంటూ వెనక్కి వెళ్లారు..
ఏమయ్యింది రా అంటూ అడిగాడు... అయ్యా పడవలో వెళ్లిపోయారు...రెండవ పడవ కూడా నది లోకి వదిలేసి పోయారు.. నది చాలా వేగం గా ఉంది ...ఈదడం కష్టమని వచ్చేసాం...అన్నాడు...
ఎడవలేక పోయారు... సరే రేపట్నుంచి అన్ని చోట్లా వెదకండి...అన్నాడు...
మరునాడు దిగాలు గా ఉన్న అక్క బావ ని పలక రించడానికి..వెళ్ళాడు అజయ్.
బాధ పడకు అక్కా అన్ని చోట్లా వెదికిస్తున్నా..
త్వరలోనే నీదగ్గరికి తీసుకుని వచ్చి పెళ్లి చేసుకుంటా అని చెప్పి... వెళ్లి పోయాడు...
భగవంతుడా అమ్మాయి ఈ దుర్మారుడికి దొరక్కుండా చూడు స్వామి... ఆస్తి కోసం చేసుకుంటున్నాడు... ఆమె ఎక్కడ ఉన్నా సుఖం గా ఉండేటట్లు చూడు స్వామి అంటూ మనసులో నే ప్రార్ధించింది... శ్యామలమ్మ...
చూడు శ్యామలా రమేష్ మంచివాడు... బాగా చూసుకుంటాడు.. లేచిపోయింది అని బాధ తప్ప మిగతా ఏ అభ్యంతరం లేదు.. అలాగని ఊరిలో ఉంటే ఈ దుర్మార్గుడికి ఇచ్చి చేయాల్సి ఉంటుంది... బాధ పడకు...జరగాల్సింది ఏదో జరుగుతుంది... ఆ భగవంతుడు ని నమ్ముకోవడం తప్ప మనం చేయగలిగింది ఏమి లేదు అన్నాడు...జగపతి...
*******
యువర్ అటెన్షన్ ప్లీస్ ఎక్స్ప్రెస్ ఒకటవ నంబరు ప్లాట్ ఫారం మీదకి మరికొద్ది సేపట్లో వచ్చుచున్నది అని అనౌన్స్ మెంట్ వినిపించింది...
ట్రైన్ వచ్చి ఆగింది అందులోనించి దిగాడు మహేష్... బాగ్ తీసుకుని స్టేషన్ బైటకి వచ్చాడు.. అక్కడి నుంచి నది ఒడ్డుకి వచ్చి అవతలి ఒడ్డుకి వెళ్ళడానికి ఎదురు చూస్తున్నాడు.ఇంతలో పడవ వచ్చింది... అందరూ ఎక్కాక బయకుదేరింది..
ఎమ్ వీరయ్య బాగున్నావా అంటూ పలక రించాడు మహేష్... ఎవరు మహేష్ బాబా....గుర్తు పట్టలేక పోయాను బాబు...చాలాకాలం అయిపోయింది కదా..అయిన మీరు చాలా మారిపోయారు...ఇంగ్లీష్ దొర లాగా ఉన్నారు... ఊరిలో పని ఉందా సారు అని ప్రశ్నించాడు... అవును ...ఇంకా ఏమిటి విశేషాలు.. ఊరిలో అందరూ ఎలా ఉన్నారు.. అని అడిగాడు... ఏముంది బాబు మా బతుకు లు చెప్పడానికి.. ఆ అజాయ్ లాంటి వాళ్ళు ఉన్నంత వరకు మా బతుకులు బాగుపడవు.. అన్నాడు...అదేమిటి జగపతిబాబు గారు ఉన్నారుగా అన్నాడు..పాపం ఆయన సంగతి ఏమి చెబుతాము అండీ... ఆయన కధ వింటే జాలి వేస్తుంది... అదేమిటి ఏమయింది ఆయనకి అన్నాడు కంగారుగా.. ఏమి చెపుతాం అండి ఆ అజయ్ ఆస్థి కోసం మాధవి అమ్మగార్ని చేసుకునేందుకు ప్రయత్నింనించాడు...అది ఆయనికి వాళ్ళ అమ్మాయికి ఇష్టం లేదు...చాలా పెద్ద గొడవ చేసాడు... ఆయన ఆస్తి పాస్తులు అన్ని అతని కంట్రోల్ లో నే ఉన్నాయి... ఈ లోగా ఆమె మధు అని మీ స్నేహితుడితో..ఊరు వదిలి వెళ్లి పోయింది... కొంతమంది అజయ్ కి భయపడి పారిపోయింది అంటున్నారు... కొంతమంది అతనిని ప్రేమించి అతనితో లేచి పోయింది అనుకుంటున్నారు...నిజం ఎవరికి తెలియదు... ఈ దుర్మార్గుడు ఆమె కోసం ఇంకా వెతికిస్తూనే ఉన్నాడు... అది అండి... జరిగింది... అన్నాడు ....
అయ్యో ఎంత పని జరిగింది... నేను ఒకసారి ఆయనని కలిసి వస్తాను.. పాపం నేను చదువు కునే అప్పుడు చాలా సహాయం చేసారు... అన్నాడు.. మహేష్
ఆపని చేయండి బాబు...కొంత అయినా బాధ తగ్గుతుంది... ఎవరిని రానివ్వట్లేదు... ఎవరితో మాట్లాడట్లేదు ఆయన ...
అన్నాడు వీరయ్య.. పడవ ఒడ్డుకి చేరింది... డబ్బులు ఇచ్చి జగపతి గారింటికి బయలు దేరాడు మహేష్...
గేట్ తీసుకుని లోపలికి వెళ్ళాడు... పడక కుర్చీ లో పడుకుని ఉన్నారు జగపతి గారు..గెడ్డం పెరిగి పోయింది... చిక్కి పోయి ఉన్నారు... నమాస్తే అండి... అన్నాడు మహేష్... ఎవరూ అంటూ కళ్ళు తెరిచారు.. నేనండి మహేష్ ని...అంటూ ముందుకి వచ్చాడు... రా బాబు లోపలికి వెళ్లి మాట్లాడుకుందాము..అంటూ లోపలికి వెళ్లారు... శ్యామల మహేష్ వచ్చాడు... దూరం నించి వచ్చాడు భోజన ఏర్పాట్లు చూడు... అన్నాడు...నువ్వు ముందు కాళ్ళు కడుక్కుని రా భోజనాలు అయ్యాక మాట్లాడు కుందాము అన్నారు...పని వాడికి ఇతని బాగ్ లోపల పెట్టించు... స్నానానికి ఏర్పాట్లు చెయ్ అంటూ పురమాయించారు.. సరే సర్ ...అంటూ లోపలికి వెళ్ళాడు... భోజనాలు అయ్యాక... ఆయన గదికి వెళ్ళాడు మహేష్... సర్ ఏమిటి జరిగింది... మీరు ఇలా ఎందుకు అయిపోయారు... మాధవి ఎక్కడ...అంటూ ప్రశ్నించాడు.. చెపుతా అన్నీ వివరం గా ఆ తలుపు వేసి రా అంటూ చెప్పారు..మహేష్ తలువు వేసి వచ్చాడు.. ఇప్పుడు చెప్పండి అంకల్.. నేను మీ దగ్గరకి వచ్చి మీ అమ్మాయిని ప్రేమిస్తున్నాను పెళ్లి చేసుకుంటాను అని అడిగితే మీరు కాదు అన్నారు.. నా దగ్గర డబ్బు లేదు అన్నారు..నా దగ్గర డబ్బు లేక పోవచ్చు కానీ చదువు ఉంది కదా...మంచి ఉద్యోగం సంపాదించి బాగా చూసుకుంటాను అని అంటే మీరు ముందు సంపాదించు అన్నారు..నాకు కొంచెం గడువు కావాలి అంటే 5 ఇయర్స్ టైం ఇస్తా.. కానీ తరువాత నికోసం ఎదురు చూడకుండా పెళ్లి చేసేస్తా అని చెప్పారు.. నేను కష్ట పడి మాధవిని ఒప్పించా... ఇంతలో మీకు ఏమైనది... ఇలా జరిగింది... అంటూ ప్రశ్నల వర్షం కురిపించాడు....
ఎమ్ చేయమంటావ్ అజయ్ దాన్ని పెళ్లి చేసుకోవడానికి కుట్ర పన్నాడు... నేను ఏమి చేయలేని పరిస్థితి... ఇంతలో నీ ఫ్రెండ్ రాజేష్ ని పిలిచి నీ గురించి వివరాలు అడిగా..తన దగ్గర కూడా లేదు అని చెప్పాడు.. చివరికి అతను మంచి వాడే...ముందు ఇతని నుంచి రక్షించడానికి.. నేనె డబ్బు ఇచ్చి పంపేసా...ఈ విషయ ము ఊరిలో ఎవరికి తెలియదు... అందరూ అది లేచి పోయింది అని అనుకుంటున్నారు..నేను మాట్లాడలేదు... ఈ విషయం శ్యామల కి కూడా తెలియదు... తెలిస్తే పోరపాటున ఆచూకీ తెలిసి పోతుంది అని...భయ పడ్డాను.. అన్నారు... కనీసం వాళ్లిద్దరూ సుఖం గా ఉంటారని ఈ పని చేసాను...క్షమించు బాబు ...నీకు మాటిచ్చి తప్పాను... అన్నారు జగపతి...
అయ్యో అంత మాట అనకండి... మీరు పెట్టిన భిక్ష వలన నేను చదువుకుని ఇంత వాడిని అయ్యాను... దేనికైనా యోగం ఉండాలి కదా...నా ప్రేమ అక్కడి తో ఆగి పోయింది... ఎమ్ చేస్తాం... కానీ ఆమె మీద నా ప్రేమ గుండెలలో పెట్టుకుని దాచు కుంటాను ..జీవితమంతా ప్రేమిస్తు ఇలాగే ఉండిపోతాను... అన్నాడు మహేష్..ఇంతకీ వాళ్ళు ఎక్కడ ఉన్నారో ఏమైనా తెలుసా అండి అని అడిగాడు.. లేదు బాబు మాకు ఏమాత్రం కాంట్రాక్టు చేసిన అజయ్ కి తెలుసిపోతుందని నేనె వద్దు అన్నా..అన్నారు సరే అండి మీరేమి బాధ పడకండి అన్ని సద్దుకుంటాయి... నేను వచేసా గా నేను చూసుకుంటా ను..మీరు విశ్రాంతి తీసుకోండి... నేను బయలు దేరతాను అన్నాడు మహేష్... సరే బాబు అన్నారు జగపతి...
మహేష్ బయలుదేరి నది ఒడ్డుకి వచ్చాడు... పడవ అవతలి ఒడ్డు నుండి వస్తోంది... అంతవరకు అక్కడే తాను ఎంతో ఇష్టం గా కూర్చునే రావి చెట్టు గట్టు మీద కూర్చున్నాడు... ఎంత ప్రశాంతంగా ఉంటుంది.. చల్లని గోదావరి.. చుట్టూ పచ్చని చెట్లు... నదిని చూస్తూ ,ఈ రావి చెట్టు కింద కూర్చుంటే ఎంతో హాయిగా ఉంటుంది...
ఇంతలో అతనికి బాగా సహాయం గా ఉండే రామయ్య పరిగెత్తుకుని వచ్చాడు... మహేష్ బాబు మిగురించి తెలిసి వచ్చాను... వెళ్లి పోయారు ఏమో అనుకుని పరిగెత్తు కుని వచ్చా... బాగున్నారా బాబు అంటూ అడిగాడు... ఆ రామయ్య .
ఎలా ఉన్నావు..రామయ్యా అంటూ ఆప్యాయంగా పలకరించాడు మహేష్... బాగానే ఉన్నాను ...మీతో ఒక ముఖ్యమైన విషయం మాట్లాడాలి అమ్మాయి గారి గురించి అన్నాడు..అవును జగపతి గారు అంతా చెప్పారు ...అన్నాడు...అది కాదు బాబు ఇప్పుడు వాళ్ళు ఎక్కడ ఉన్నారో నాకు తెలుసు ...అన్నాడు ..అవునా .
నేను వాళ్లకోసమే వెతుకు తానని ఆయనకి చెప్పాను...బాగానే ఉన్నారా అని అడిగాడు... బాగానే ఉన్నారు.. ఇదిగో ఈ ఆజయ్ అన్ని చోట్లా వెదికి స్తున్నాడు... వాళ్ళకి దొరక్కుండా...తప్పించుకోవడానికి నానా కష్టాలు పడుతున్నారు... ఒక ఉరి వాళ్ళు ఆశ్రయం ఇచ్చారు... ఎవరికి కనబడ కుండా అక్కడే క్షేమం గా ఉన్నారు...రమేష్ ఫోన్ చేస్తూ అందరూ ఎలా ఉన్నారో అని వాకబు చేస్తూ ఉంటాడు రహస్యం గా...అన్నాడు రామయ్య... సరే ఇప్పుడు ఎక్కడ ఉన్నారు అని అడిగాడు మహేష్...రామయ్య ఏ ఊరిలో ఉన్నారో చెప్పాడు.కనబడితే.. మీకు మాత్రమె చెప్పమన్నాడు..అన్నాడు...
సరే అయితే నేను వెడతా లే ..అక్కడకి.. వాళ్ళని తీసుకుని వచ్చి ఈ అజయ్ పని పడతా...అన్నాడు మహేష్... జాగ్రత్త బాబు వీడు చాలా దుర్మార్గుడు.. అన్నాడు..
పడవ వచ్చేసింది ఇంక నేను బయలుదేరి వెడతా... బాబుగారి ని జాగ్రత్తగా చూసుకోవాలి మరి అన్నాడు మహేష్.. తప్పకుండా బాబు మీరు వెళ్లి రండి అన్నాడు...రామయ్య...
పడవ లో బయలుదేరి వెళ్ళాడు మహేష్...
ఈ విషయం చెట్టు చాటు నుండి విన్న భ
అజయ్ అనుచరుడు పరిగెత్తు కు వెళ్లి అజయ్  చెవిలో వేసాడు...ఒరేయ్ అందరూ రండి ఎక్కడ ఉన్నారో తెలిసి పోయింది ..పదండి ఈ సారినేను వస్తా ...లాక్కుని వద్దాం అంటూ బయలుదేరారు...
******
మాధవి రమేష్ బజార్లో సరుకులు కొనుక్కుని వస్తున్నారు... ఇంకా ఎంత కాలం ఇలా దాక్కుని బ్రతకాలి... అమ్మ నాన్న గుర్తుకు వస్తున్నారు... అంది బాధ గా...ఏం చేస్తాం ఇంకొంత కాలం ఎదురు చూద్దాం... ఫోన్ చేసి ఎప్పటికప్పుడు వాళ్ళ వివరాలు తెలుసుకుంటున్నా....అంతా బాగానే ఉన్నారు... ట... అన్నాడు రమేష్...
సరే ఇప్పటికే ఆలస్యం అయింది పద అంటూ నడవ సాగాడు...ఇంతలో వేగం గా జీపులు రావడం చూసాడు... అంతే. ..మాధవి వాళ్ళు ఇక్కడికి కూడా వచ్చేసారు.. పద అంటూ పక్కకి తీసుకుని వెళ్ళాడు.. కొంత మంది దిగారు.. ఒరేయ్ ఊరంతా గాలించండి... ఈ సారి వాళ్ళు తప్పించు కో కూడదు... అంటూ అరిచాడు భ
అజయ్ ... అందరూ తలో దిక్కుకు పరిగెత్తారు... ఈ సారి మనం దొరికి పోయినట్లే ఎమ్ చేద్దాం... సరే నేను ఇటునుంచి పరిపోతాను... వాళ్ళు నన్ను చూసి నా వెంట పడతారు... నువ్వు ఈ సందులోనించి ఇలా వెడితే రైల్వే స్టేషన్ వస్తుంది... ఏదో ఒక ట్రైన్ ఎక్కేయ్... నేను ఎలాగో అలా వచ్చి చేరుకుంటాను.. ఫోన్ చేసి ఏ ట్రైన్ నాకు చెప్పు... జాగ్రత్త అంటూ... వాళ్ళకి కనబడే లా పరిగెత్తాడు రమేష్... అదిగో రమేష్ పట్టుకోండి రా అంటూ వాడి వెనుక పడ్డారు ..ఒరే మీరు కూడా వెళ్ళండి... వాడిని పట్టుకోండి అని ..అటు పంపాడు... రమేష్ అటువైపు పరిగెత్తు కుంటూ వెళ్ళాడు... ఈ లోగా మాధవి స్టేషన్ వైపుకి పరిగెత్తింది... పట్టాల వెంబడి పరుగెత్తి ప్లాట్ ఫారం ఎక్కింది... ఇంతలో అనౌన్స్ మెంట్ వచ్చింది... ట్రైన్ నంబరు... ఒకటవ ప్లాట్ ఫారం మీదకి వచ్చు చున్నది... అని...ట్రైన్ ఫ్లటుఫారం మీదకి వచ్చేసింది... మాధవి ట్రైన్ తో పాటు పరిగెడుతోంది... ఈ లోగా కొంతమంది, అజయ్ ఆమె  వెనుకే వచ్చేసారు... ఎక్కడికి పోతావు వాడు అటు వెడితే నువ్వు ఇక్కడికి వస్తావని నాకు తెలుసు అందుకే నేను ఇటువైపు కి వచ్చా... అన్నాడు..ఒరేయ్ పట్టుకోండి రా అని అరిచాడు... ఆమె పరిగెడుతోంది... ట్రై ను కొంత ముందుకి వెళ్లి స్లో గా ఆగింది... అజయ్  కర్ర విసిరాడు... ఆమె కాళ్ళకి తగిలి కింద పడిపోయింది.. దొర్లు కుంటూ వెళ్లి ఒక కంపార్ట్మెంట్ గుమ్మం దగ్గర ఆగుంది..లెవలేక పోతోంది... పాపం ..బాధగా అజయ్ వైపుకి చూసింది... అందరూ అక్కడికి వచ్చి ఆగారు...ఒరే లాక్కుని రా రా...అంటూ పురమాయించాడు... వాడు దగ్గరకి వచ్చి రెక్క పట్టుకో బోయాడు... అప్పుడే ట్రైన్ లోనించి దిగాడు మహేష్...ఒక్క తన్ను తన్నాడు వాడిని...వాడు ఎగురుకుంటూ వెళ్లి మిగతా వాళ్ళ మీద పడిపోయాడు... వాళ్ళు పడిపోయారు..భయం తో కళ్ళు ముసుకున్న మాధవికి ఏం జరిగిందో అర్ధం కాలేదు... నెమ్మది గా కళ్ళు తెరిచి చూసింది... ఎదురుగా మహేష్....ఒక్కసారిగా దుఃఖం పొంగుకుని వచ్చేసింది... మహేష్ అంటూ పిలిచింది. అతను నెమ్మదిగా భుజం పట్టుకుని లెవదిసాడు...రా భయపడకు నేను వచ్చేసా గా...ఇలా కూర్చో అంటూ కూర్చోపెట్టాడు... అక్కడే తోపుడు బండి లో ఉన్న వాటర్ బాటిల్ ని ఓపెన్ చేసి...తాగు....అంటూ పట్టించాడు...పరుగెత్తి పరుగెత్తి అలసిపోయింది... గబ గబ తాగేసింది... నువ్వు ఇక్కడే కూర్చో...నేను వాళ్ళ సంగతి తేల్చుకుని వస్తా...అంటూ ధైర్యం చెప్పి...వాళ్ళ వైపుకి నడిచాడు..మహేష్...
ఎవడ్రా వీడు... మధ్యలో వాడిని వేసేసి దాన్ని తీసుకుని రండి అని అరిచాడు...వాళ్ళు ముందుకి కదిలారు... అందరిని చితక కొట్టేసాడు మహేష్... భూ
అజయ్ ని కూడా..
కింద పడి ఉన్న అజయ్ ని చూడగానే కోపం పెరిగి పోయింది మహేష్ కి ,
ఇంకా ఎంత దూరం పరిపోతారు రా వీళ్ళు... ఆస్థి కోసం అయిన వాళ్ళని కూడా చూడవా ...నువ్వు అసలు మనిషివి కాదు... నిన్ను చంపేస్తా అంటూ అక్కడ కొబ్బరిబోండం బండి లోనించి కత్తి తీసాడు.. చెయ్యి పైకి ఎత్తగానే ...ఆగు మహేష్... అతనిని ఏమి చేయవద్దు.. ఎంతైనా మా మావయ్య కదా...వదిలేయ్... చూడు మామయ్య నాకు ఆస్తి అక్కరలేదు... నీకు ఎక్కడ కావాలంటే అక్కడ సంతకం పెడతాను...నమానాన నన్ను వదిలేయ్ అంది...సిగ్గు తో తల వంచు కున్నాడు భ
అజయ్...ఇంతలో రమేష్ వచ్చాడు.. ఒరేయ్ మహేష్.. సమయానికి వచ్చావు రా అంటూ కౌగలించుకొని... మాధవి వైపు చూసాడు... నన్ను క్షమించండి... నా తప్పు తెలుసుకున్నా...నువు మాధవి సుఖం గా ఉండండి... అంటూ అజయ్ చేతులు కలప బోయాడు... ఆగండి ఆగండి... చేతులు కలపాల్సింది నాతో కాదు...మహేష్ తో... అన్నాడు...ఆశ్చర్య పోయారు మహేష్ కూడా... అదేమిటి మీరిద్దరూ పెళ్లి చేసుకున్నారని విన్నాను..ఎంతైనా నేను ప్రేమించిన అమ్మాయి కదా ఒకసారి సుఖం గా ఉందొ లేదో అని చూద్దామని వచ్చాను అన్నాడు మహేష్... అలా ఎలా మిత్రమా... నీకు కాబోయే భార్య నాకు చెల్లెలు లాంటిది... నీ ఆచూకీ తెలియదు...
ఈ అజయ్ నుంచి కాపాడడానికి..నాకు వేరే మార్గం తెలియలేదు...అందుకే లేపుకుని వచ్చేసా... అన్ని ఉరులు తిరిగి ఇదిగో ఈ ఊరిలో కాస్త సహాయం దొరికింది.. ఇక్కడి వాళ్ళ సహాయం తో ఈమెని కాపాడుకుంటూ వస్తున్నా...ఇన్నాళ్లకు ఈమె నిరీక్షణ ఫలించింది... నువ్వు వచ్చావు...
అమ్మా మాధవి నీకు ఇచ్చిన మాట నిలబెట్టుకున్నా...ప్రేమించిన వాడి కోసం ఎన్ని కష్టాలు పడ్డావో...అన్ని సమస్యలు తీరి పోయాయి... అంటూ ఆమె చెయ్యి మహేష్ చేతిలో పెట్టాడు...నన్ను క్షమించు మాధవి రావడం కొంచెం ఆలస్యమైంది..నా మూలంగా ఇన్ని కష్టాలు.. పడ్డావు... నీ ప్రేమని దక్కించుకివడానికి కష్టపడి సంపాదించు కుని వచ్చాను...అన్నాడు.. ఆనందం తో కౌగలించుకొని .మురిసి పోయింది...వాళ్లిద్దరూ అలా తన్మయత్వం లో ఉంటే ...మహేష్ వీపు మీద కొట్టాడు రమేష్... బాబు ఇది రైల్వే స్టేషన్...అందరూ మనల్నే చూస్తున్నారు... అన్నాడు...ఓహ్ ...అవును సరే పద అందరం మన ఊరు వెడదాం అన్నాడు..మహేష్... వద్దురా ..ఈ ఊరి వాళ్ళతో అనుబంధం పెరిగింది ...నాకోసం.చాలా చేశారు...నేను ఇక్కడే ఉండిపోతా...అయిన నాకు ఒక అమ్మాయి దొరికింది లే ...మా పెళ్లికి తప్పక రావాలి.. అన్నాడు... తప్పకుండా..ఇది గో ఈ చెక్ తీసుకో....ఇందులో 10 కోట్లు రాసాను...అన్నాడు.. ఏరా స్నేహాన్ని కొనే కరెన్సీ ఇంకా రాలేదు రా అన్నాడు..నవ్వుతూ...అధికాదు రా ఈ ఊరు ఇంత చేసింది ఉరికి ఉపయోగడే ఏదైనా మంచి చేయరా...అన్నాడు.మహేష్.. అలా అన్నావు బాగుంది.. పెళ్లికి రావాలి రోయ్ ...ఫోన్ చేస్తా..బాబాయ్ గారిని ఆడిగానని చెప్పు..ఇక్కడి పనులు పూర్తి చేసుకుని శుభలేఖ లతో వస్తా...అన్నాడు రమేష్...మరోసారి స్నేహితుడి ని కౌగలించుకొని.. ట్రైన్ ఎక్కారు...గుమ్మం లోనించి అతనికీ ఇద్దరూ టాటా చెప్పారు..
లోపలికి వచ్చి అరే హడావిడి లో టికెట్ తీయడం మర్చి పోయాను...అన్నాడు మహేష్... నేను తీశాలే బాబు అన్న మాట వినిపించింది వెనుక నుండి..ఎవరా అని చూస్తే అజయ్ టికెట్ లతో ఉన్నాడు.. నేను వచ్చి బావగారికి క్షమాపణ చెప్పి నిన్ను అప్పచెప్పుతా...మీ ఇద్దరి పెళ్లికి నేనె అన్ని చూసుకుంటా...అన్నాడు...అందరూ నవ్వుకున్నారు....
శుభం...