సెనగ పిండి పచ్చడి లేక బొంబాయి చట్నీ
కావలిసిన పదార్థాలు
1. సెనగ పిండి 6 స్పూన్స్
2. పసుపు
3. ఉప్పు రుచికి సరిపడా
4. పచ్చిమిర్చి 2
5. అల్లం చిన్న ముక్క
6. కరివేపాకు
7. కొత్తిమీర
8. చింత పండు కొద్దిగా
9. నీళ్లు తగినన్ని
పోపు దినుసులు
సెనగ పప్పు అర స్పూన్ , మినపప్పు అర స్పూన్ ,ఆవాలు కొద్దిగా ,
జీలకర్ర కొద్దిగా ,ఎండుమిరప కాయలు 2 , ఆయిల్ 2 స్పూన్
తయారీ విధానం
ముందుగా సెనగపిండి ని కాస్త వేయించి , ఒక బౌల్ లోకి తీసుకుని ,
తగినన్ని నీళ్లు పోసుకుని ఉండలులేకుండా కలుపుకుని ,
ఒక పక్కన పెట్టుకోవాలి . పచ్చిమిర్చి ని చీలికలు గాను , అల్లమును చిన్న ముక్కలుగా ను
తరుగుకోవాలి . స్టవ్ వెలిగించి బాణలి పెట్టి ,
వేడెక్కాక ఆయిల్ వేసి , పైన చెప్పిన పోపుదినుసులను వేసి ,
అవి దోరగా వేగాక కరివేపాకు ,పచ్చిమిర్చి చీలికలు ,అల్లము ముక్కలు వేసి ,
అవి వేగాక ముందుగా నీళ్లు పోసి ,కలుపుకుని పెట్టుకున్న సెనగపిండి మిశ్రమాన్ని వేసి
పసుపు , ఉప్పు ,చింతపండు గుజ్జు వేసి బాగా కలిపి ,
తగినన్ని నీళ్లు పోసి ఉడకనివ్వాలి .
స్టవ్ మంట సిమ్ లో ఉండాలి . మధ్య మధ్య లో కలుపుతూ ఉండాలి .
బాగా ఉడికిన తరువాత స్టవ్ ఆఫ్ చేసుకుని ,
ఒక బౌల్ లోకి తీసుకుని కొత్తిమీరతో గార్నిష్ చేసుకుంటే
సెనగ పిండి పచ్చడి రెడీ
దీనిని చపాతీ , ఇడ్లీ , దోసెలలోకి బాగుంటుంది.
Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writer's
Achanta Subbalakshmi
Achanta Subhadevi
విజ్ఞప్తి :
మొబైల్ లో చదివే వారు " విషయ సూచిక " కోసము అడుగున ఉన్న
" వెబ్ వ్యూ " పైన క్లిక్ చేస్తే మిగతా పోస్టింగ్స్ వివరాలు లభిస్తాయి.
