బూడిద గుమ్మడి కాయ వడియాలు
కావలిసిన పదార్థాలు
1. బూడిద గుమ్మడి కాయ చిన్నది 1
2. మినపప్పు అరకేజీ
3. పచ్చిమిర్చి 100 గ్రాములు
4. అల్లం 50 గ్రాములు
5. ఉప్పు తగినంత
6. ఇంగువ తగినంత
7. పసుపు
తయారీ విధానం
ముందుగా బూడిద గుమ్మడి కాయను శుభ్రం గా కడిగి ,
తుడిచి తడి లేకుండా ఆర బెట్టుకోవాలి బాగా ఆరి న తరువాత , పగలకొట్టి
బూడిద గుమ్మడికాయ లోపల వున్న గుజ్జును తీసివేసి ,
సన్నని చిన్న ముక్కలుగా తరుగుకోవాలి .
ఇలా తరుగుకున్న ముక్కలను ,తగినంత ఉప్పు , పసుపు వేసి,
బాగా కలిపి కాటన్ బట్టలో వేసి మూట కట్టి ,
పైన బరువు పెట్టి ఒక రాత్రి అంతా ఉంచాలి .
దీనివలన నీరుఅంతా ఇవతలికి వచ్చేస్తుంది .
మినపప్పు ను ఒక గిన్నెలోకి తీసుకుని ,
తగినన్ని నీళ్లు పోసి నానబెట్టుకోవాలి .
మరునా డు పప్పును శుభ్రంగా కడిగి ,గారెల పిండిలా గట్టిగా రుబ్బుకుని ,
వెడల్పయిన బేసిన్ లోకి తీసుకోవాలి .
అల్లం ,పచ్చిమిర్చిలను శుభ్రంగా కడిగి ,
తుడిచి మెత్తని ముద్దలాగా గ్రైండ్ చేసుకోవాలి .
రుబ్బుకున్న మినపపిండిలో గుమ్మడి ముక్కలు , అల్లం పచ్చిమిర్చి ముద్ద,
ఇంగువ ,పసుపు ముక్క లపైన ఉప్పు వేసి ,
మూట కడతాము కాబట్టి రుచి చూసుకుని అవసరమైతేనే ఉప్పు వేసుకోవాలి .
ఇవన్నీ బాగా కలిసేలా కలుపుకోవాలి .
ఇలా కలుపుకున్న పిండిని
ప్లాస్టిక్ పేపర్ మీద వడియాల మాదిరి పెట్టుకుని ,
ఎండబెట్టుకోవాలి .
సాయంత్రం అట్లకాడతో తిరగేసుకుని ,
వెడల్పయిన ప్లేటులో పెట్టి బాగా ఎండబెట్టుకుని
బాగా ఎండిన తరువాత
గాలి చొర బడని డబ్బాలో పెట్టుకుంటే ఏడాది పాటు నిలువ ఉంటాయి.
ఆ తరువాత నూనె లో వేయించుకుంటే గుమ్మడి వడియాలు రెడీ .
Subha's Kitchen
పేజీ పోస్టులు మీకు నచ్చినట్లైతే
మా పేజీని. 👍 లైక్ చేయండి,షేర్ చేయండి..
https://m.facebook.com/Flying-colours-Achanta-Gopalakrishna-1542177569406230/
Writer's
Achanta Subbalakshmi
Achanta Subhadevi
విజ్ఞప్తి :
మొబైల్ లో చదివే వారు " విషయ సూచిక " కోసము అడుగున ఉన్న
" వెబ్ వ్యూ " పైన క్లిక్ చేస్తే మిగతా పోస్టింగ్స్ వివరాలు లభిస్తాయి.
